मुंबई - भारतीय जनता पक्षाचे नेते आणि राज्याचे विधानसभा विरोधी पक्ष नेते देवेंद्र फडणवीस ( Devendra Fadnavis Tweet On Sharad Pawar ) यांनी एका मागोमाग एक 14 ट्विट करत गेल्या काही वर्षातल्या शरद पवार यांच्या भूमिकेवर प्रश्नचिन्ह उपस्थित केले होते. अटक झालेले मंत्री नवाब मलिक मुस्लीम ( Nawab Malik Connection With Dawood ) असल्यामुळे त्यांचा संबंध दाऊदची जोडण्याचा प्रयत्न केला जात असल्याचं वक्तव्य शरद पवार ( NCP Leader Sharad Pawar ) यांनी केलं होतं. या आरोपांवर उत्तर देताना गृहमंत्री दिलीप वळसे ( Dilip Walse Patil Replied To Devendra Fadnavis Alligation ) पाटील म्हणाले. '370 कलम बाबत राष्ट्रवादी काँग्रेसची भूमिका स्पष्ट आहे. मात्र, शरद पवारांवर टीका करणे हा काहीजणांचा आवडता छंद असून, शरद पवार यांच्या राजकीय आणि सामाजिक भूमिका केली वर्षानुवर्ष लोकांना माहित आहेत. त्यामुळे असे ट्विट करून देवेंद्र फडणीस यांना कोणताही फायदा होणार नाही, असा चिमटा राज्याचे गृहमंत्री दिलीप वळसे पाटील यांनी देवेंद्र फडणीस यांना काढला आहे. यशवंतराव चव्हाण प्रतिष्ठान येथे प्रसारमाध्यमांशी संवाद साधताना गृहमंत्र्यांनी चिमटा काढला.
'याआधीही भाजपाकडून प्रयत्न' - पीएमएलए कायदा येण्याअगोदर नवाब मलिक यांची केस आहे. या प्रकरणात दाऊदशी कोणताही व्यवहार केला गेलेला नाही. मात्र, तरीही ओढून ताणून संबंध दाखवण्याचा प्रयत्न केला जातो आहे. अशाच प्रकारे शरद पवार यांच्यावर देखील दाऊद इब्राहिमशी संबंध ठेवल्याचा आरोप याआधी भारतीय जनता पक्षाने केला होता, याची आठवण गृहमंत्र्यांनी यावेळी करून दिली.
मुस्लीम शैक्षणिक आरक्षणाचं काय झाल? - संविधानात धर्मानुसार आरक्षण देता येत नाही, असे स्पष्ट असताना देखील राष्ट्रवादी काँग्रेसने नेहमीच मुस्लीम आरक्षणाचा पुरस्कार केला, असा आरोपही ट्विट मधून देवेंद्र फडणीस यांनी केला होता. त्यांच्या या ट्विटला उत्तर देताना गृहमंत्री म्हणाले की, 'मुस्लिमांना भारतीय जनता पक्षाच्या सरकारने शैक्षणिक आरक्षण नाही नाकारलं याचं उत्तर आधी द्या.'
आजही भारत अखंडचं - पुढील दहा ते पंधरा वर्षात भारत हा अखंड होईल, असं वक्तव्य राष्ट्रीय स्वयंसेवक संघाचे सरसंघचालक मोहन भागवत यांनी केले. मात्र, आजही भारत अखंड आहे. वेगवेगळे जाती-धर्माच्या लोकांचा एक देश भारत असून, अखंड भारताचे विघटन करण्याचा कोणीही प्रयत्न करू नये, असा टोला गृहमंत्र्यांनी लागावला. तसेच पाकिस्तान सहित पाकव्याप्त काश्मीर अखंड भारतात येतो. या अखंड भारताच्या आम्ही स्वागत करतो असं वक्तव्य शिवसेना खासदार संजय राऊत यांनी केलं. त्यामुळे संजय राऊत यांची वैयक्तिक भेट झाल्यानंतर त्यांच्या या वक्तव्या बाबत आपण त्यांना नक्की विचारू, अशी मिश्किल टीप्पणीही गृहमंत्र्यांनी केली.
'विशिष्ट पक्षाच्या लोकांना न्यायलयातून दिलासा कसा?' - भाजप नेते आणि विधान परिषद विरोधी पक्ष नेते प्रवीण दरेकर आणि किरीट सोमैया यांना न्यायालयातून दिलासा मिळाल्यानंतर राज्याचे गृहमंत्री दिलीप वळसे-पाटील यांनीही एका विशिष्ट पक्षाच्या लोकांनाच न्यायालयात दिलासा कसा मिळतो? असा प्रश्न उपस्थित केला. विशिष्ट पक्षाच्या लोकांना दिलासा मिळत असल्यामुळे जनसामान्यांच्या मनात काही प्रश्न निर्माण होत असेल तर, त्यात चूक काय? असेही दिलीप वळसे पाटील म्हणाले.
हेही वाचा - Naxals Killed Two Persons : गडचिरोलीत नक्षलवाद्यांकडून दोघांची हत्या
