महाराष्ट्र कोरोना अपडेट : रुग्णांसह मृत्यूसंख्येत घट, ४ हजार ५०५ नवे रुग्ण तर ६८ रुग्णांचा मृत्यू

राज्यात आज ७,५६८ रुग्ण बरे होऊन घरी गेले. राज्यात आजपर्यंत एकूण ६१,५१,९५६ करोनाबाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण ९६.७६ टक्के एवढे झाले आहे. आज राज्यात ४,५०५ नवीन रुग्णांचे निदान झाले असून १५१ करोनाबाधित रुग्णांच्या मृत्यूची नोंद झाली आहे.

मुंबई - राज्यात शुक्रवारी कोरोना विषाणूच्या ५ हजार ५३९, शनिवारी ६ हजार ६१ तर रविवारी ५ हजार ५०८ नव्या रुग्णांची नोंद झाली आहे. आज त्यात घट होऊन ४ हजार ५०५ नव्या रुग्णांची नोंद झाली आहे. शुक्रवारी राज्यात १८७, शनिवारी १२८, रविवारी १५१ मृत्यूंची नोंद झाली आहे. आज त्यात घट होऊन ६८ मृत्यूंची नोंद झाली आहे. राज्यात गेले काही दिवस रुग्ण आणि मृत्यू संख्येत चढ उतार सुरू आहे.