मुंबई : बॉलीवूड अभिनेत्री कंगना रणौत बहुतेक वेळा तिच्या वक्तव्यांमुळे चर्चेत असते. आता पुन्हा एकदा ती आपल्या वादग्रस्त वक्तव्यामुळे निर्माण झालेल्या वादामुळे चर्चेत आली आहे. नोव्हेंबरमध्ये कंगना रणौत विरोधात दिल्लीतील आंदोलक शेतकऱ्यांना ( Farmers Protest In Delhi ) खलिस्तानी ( Kangana Ranaut Statement Farmers Protest ) म्ह्टल्याप्रकरणी एफआयआर दाखल करण्यात आला होता. याबाबत मुंबई पोलिसांनी तिला चौकशीसाठी बोलावले आहे. मात्र सध्या वेळ नसल्याचे सांगत तिने चौकशीसाठी हजर होण्यास वेळ मागितला आहे.
मुंबई पोलिसांनी दिली नाही सूट
22 डिसेंबर 2021 रोजी अभिनेत्री कंगनाला खार पोलिस स्टेशनमध्ये ( Khar Police Station Mumbai ) तिची जबानी नोंदवण्यासाठी बोलावण्यात आले. पण, आता अभिनेत्रीने मुंबई पोलिसांसमोर हजर राहण्यासाठी वेळ मागितली आहे. कारण अभिनेत्री सध्या शहरात उपलब्ध आणि त्यामुळे कंगनाच्या विनंतीवर मुंबई पोलिसांनी अद्याप कोणतीही सूट दिलेली नाही.
चित्रपटाच्या शूटिंगसाठी बाहेर
कंगना रणौतच्या वकिलाचे म्हणणे आहे की, कंगना तिच्या आगामी चित्रपटाच्या शूटिंगमुळे सध्या मुंबईबाहेर आहे. अशा परिस्थितीत खार पोलीस ठाण्यात त्यांचे म्हणणे नोंदवण्यासाठी त्यांना थोडा वेळ हवा आहे. या संदर्भात कंगनाच्या वकिलाच्या वतीने खार पोलीस स्टेशनला कळवण्यात आले आहे की, ती बुधवारी हजर राहू शकणार नाही. अशा परिस्थितीत त्यांच्या बाजूने नवीन तारीख मागितली आहे.
त्या विधानाच्या आधारे गुन्हा दाखल
नोव्हेंबरमध्ये मुंबईतील खार पोलिस स्टेशनमध्ये कंगनाच्या विरोधात एफआयआर दाखल करण्यात आला होता. शीख समुदायाच्या सदस्यांनी अभिनेत्रीविरोधात सोशल मीडियावर अपशब्द वापरल्याबद्दल तक्रार दाखल केली होती. आंदोलक शेतकऱ्यांची खलिस्तानी दहशतवाद्यांशी तुलना करणाऱ्या कंगनाच्या विधानाच्या आधारे हा एफआयआर दाखल करण्यात आला आहे.
शीख समुदायाच्या भावना दुखावल्या
कंगना रणौतविरुद्ध एफआयआर मुंबईतील 47 वर्षीय व्यापारी अमरजित सिंग संधू, दिल्ली शीख गुरुद्वारा प्रबंधक समिती आणि शिरोमणी अकाली दलाच्या नेत्यांसह दाखल केला होता. तक्रारकर्त्यांनी कंगनावर जाणूनबुजून आणि हेतुपुरस्सर आंदोलक शेतकर्‍यांना खलिस्तानी दहशतवादी म्हणून दाखवल्याचा आणि शीख समुदायाच्या भावना दुखावल्याचा आरोप केला होता.
खलिस्तानी सरकार बदलू शकतात
कंगनाने तिच्या सोशल मीडिया पोस्टमध्ये केंद्र सरकारच्या कृषी कायद्याला विरोध करणाऱ्या आंदोलकांना खलिस्तानी दहशतवादी म्हटले होते. कंगनाने तिच्या पोस्टमध्ये लिहिले- 'खलिस्तानी दहशतवादी आज सरकार बदलू शकतात. पण एका स्त्रीला विसरू नका. या एकमेव महिला पंतप्रधानांनी आपल्या बुटाखाली चिरडले होते. त्यांना डासांप्रमाणे चिरडले, पण देशाचे तुकडे होऊ दिले नाहीत.
