मुंबई - एका वृत्तवाहिनीच्या कार्यक्रमात भाजपच्या माजी राष्ट्रीय प्रवक्त्या (Former BJP national spokesperson) नूपुर शर्मा यांनी मुस्लिम धर्मीयांच्या भावना दुखावणारे वक्तव्य केले होते. आक्षेपार्ह वक्तव्य (Statement) केल्याप्रकरणी मुंबई पोलिसांनी (Mumbai Police) भारतीय जनता पक्षाच्या निलंबित प्रवक्त्या नुपूर शर्मा यांना आज 25 जून रोजी पायधुनी पोलिस स्टेशनसमोर हजर होणार होते. मात्र, नुपूर शर्मा हे हजर झाल्या नाहीत. मुंबई पोलिसांनी दिलेल्या समन्सला नुपूर शर्माकडून कोणतेही उत्तर देण्यात आले नाही. लवकरच मुंबई पोलीस नुपूर शर्मा यांना चौकशीसाठी समन्स पाठवणार आहे.
पैगंबर यांच्या विरोधात वादग्रस्त वक्तव्य करण्यात आले होते. त्यानंतर रझा अकादमीच्या तक्रारीवरून मुंबईतील पायधुनी पोलीस ठाण्यात गुन्हा दाखल करण्यात आला होता. काही दिवसांपूर्वी टीव्ही चर्चाच्या दरम्यान नुपूर शर्मा यांनी प्रेषित मोहम्मद यांच्याशी संबंधित एका घटनेचा उल्लेख केला. त्यांच्या वक्तव्याचा व्हिडिओ सोशल मीडियावर (Social media) व्हायरल झाला आणि एकच गोंधळ सुरू झाला.
नुपूर शर्मा विरोधात मुंबई, ठाणे पुणे आणि हैदराबादमध्येही गुन्हा दाखल करण्यात आला आहे. भारतीय सुन्नी बरेलवी संघटनेने रझा अकादमीनेही नुपूरविरोधात तक्रार दाखल केली होती. त्यानंतर मुंबईत आयपीसीच्या कलम 295A, 153A आणि 505B अंतर्गत गुन्हा दाखल करण्यात आला. यासोबतच हैदराबादमधील एका पोलिस अधिकाऱ्याच्या तक्रारीवरून नुपूरविरुद्ध आयपीसीच्या कलम 153A, 504, 505 (2) आणि 506 अंतर्गत गुन्हा दाखल करण्यात आला आहे.
नुपूर शर्मा यांना नोटिस देण्यासाठी गेल्या चार दिवसांपासून पोलिसांची टीम जात आहे. पण शर्मा यांचा तपास लागत नाही. त्या गायब आहेत, असं पोलिसांनी सांगितलं आहे. रजा अकादमीच्या मुंबई विंगचे संयुक्त सचिव इरफान शेख यांच्या तक्रारीनंतर पायधुनी पोलीस ठाण्यात शर्मा यांच्या विरोधात 29 मे रोजी तक्रार दाखल केली होती. धार्मिक भावना दुखावणे, धार्मिक तेढ वाढवणे आदी आरोपांखाली त्यांच्याविरोधात एफआयआर दाखल करण्यात आला आहे.
हेही वाचा- Rohit Sharma : रोहित शर्माला कोरोनाची लागण, उपचार सुरु
