मुंबई - भाजपचे ज्येष्ठ नेते व माजी विरोधी पक्षनेते एकनाथ खडसे म्हणजे, आमचे आवडते नाथाभाऊ. ते जर आमच्या पक्षात आले तर आम्हाला आनंद होईल. आमचा पक्ष देखील बळकट होईल, अशी भावना काँग्रेसचे प्रदेशाध्यक्ष व कॅबिनेट मंत्री बाळासाहेब थोरात यांनी व्यक्त केली.
हेही वाचा... 'एकेरीमध्ये भारतीय बॅडमिंटनपटूंची कामगिरी चिंताजनक', गोपीचंद यांचा ईटीव्ही भारतकडे खुलासा
सोमवारी दिल्ली येथे भाजपचे ज्येष्ठ नेते एकनाथ खडसे यांनी राष्ट्रवादी काँग्रेसचे अध्यक्ष शरद पवार आणि राष्ट्रवादीच्या इतर नेत्यांची भेट घेतली. त्यानंतर राज्यात विविध चर्चांना उधाण आले आहे. त्यासंदर्भात बाळासाहेब थोरात यांना विचारले असता, त्यांनी 'नाथाभाऊ सारखे नेते आमच्या पक्षात आले तर आम्हाला आनंद होईल.' असे म्हटले आहे.
हेही वाचा... पंकजा मुंडेंचे पुन्हा एक ट्विट, सहकाऱ्यांना घातली भावनीक साद, म्हणाल्या...
एकनाथ खडसे यांच्याकडून तसा काही प्रस्ताव आला नाही. मात्र नाथाभाऊ आमचे आवडते व्यक्तिमत्व आहे. त्यांची त्यांच्या पक्षात अहवेलना झाली, हे आम्हाला देखील आवडलेले नाही. अशा शब्दात थोरात यांनी आपल्या भावना व्यक्त केल्या. दुसरीकडे परळी येथून विधानसभा मतदारसंघात पराभव झाल्यानंतर भाजपच्या अनेक बैठकांना उपस्थित राहण्यासाठी टाळणाऱ्या करणाऱ्या पंकजा मुंडे या भाजप सोडणार अथवा नाही, याची चर्चा सुरू आहे. यावर थोरात यांना विचारले असता त्यांनी, 'पंकजा मुंडे चांगले काम करत होत्या. त्यांची नाराजी मला माहित नाही. परंतु त्या इतके नाराज असने देखील योग्य नाही', असे थोरात म्हणाले.
हेही वाचा... नागपूरमध्ये चिमुरडीच्या हत्येनंतर आणखी एका महिलेचा मृतदेह आढळला; परिसरात खळबळ
राज्यातील मंत्रीमंडळाचे खाते वाटप या विषयावर थोरात यांना असता ते म्हणाले की, आम्ही गेले 13 दिवस या सर्व बाबींवर काम करत आहोत. आमचा अभ्यास सुरू आहे, मुख्यमंत्री बैठका घेत आहेत. हे सरकार सकारात्मक काम करत असल्याचे त्यांनी सांगितले.
