मुंबई - मानखुर्द घाटकोपर जोड रस्त्यावरील मंगलमूर्ती इमारतीच्या तळमजल्यावरील अॅक्सिस बँकेच्या एटीएमला शनिवारी सांयकाळी 4.45 च्या दरम्यान आग लागली. या आगीत बँकेच्या एटीएमचे मोठे नुकसान झाले आहे.
मानखुर्दमध्ये अॅक्सिस बँकेचे एटीएम आगीत खाक
ही आग शॉर्ट सर्किटमुळे लागून एटीएम जळून खाक झाले आहे, अशी प्राथमिक माहिती मिळत आहे. या आगीमुळे बाजुच्या अन्य २ दुकान गाळ्यांतील डेंटल क्लिनिक व युनियन बँकेच्या एटीएमचे बाहेरील एअर कंडिशनिंग मशीन युनिट जळाली आहे. अग्निशमन दलाकडून ही आग विझवण्यात आली. या घटनेत कोणत्याही प्रकारची जीवितहानी झालेली नाही. अशी प्राथमिक माहिती मिळत आहे. या जळालेल्या एटीएमच्या सुरक्षेसाठी पोलीस बंदोबस्त ठेवण्यात आला आहे.
