मुंबई - अँटी नार्कोटिक सेलच्या (ANC) कांदिवली युनिटने घाटकोपर (Ghatkopar) भागातून २ ड्रग्ज विक्रेत्यांना अटक (Drug Peddler Arrested) केली आहे. हे दोघेही ओडिशातून मुंबईत ड्रग्ज पुरवण्यासाठी आले होते. या पेडलर्सकडून ११५ किलो ड्रग्ज जप्त केले असून, त्याची आंतरराष्ट्रीय बाजारात किंमत २८ लाख ७५ हजार रुपये आहे.
- आरोपींना अटक -
पोलिसांनी आरोपींकडून कारही जप्त केली आहे. इम्रान अबरार हुसेन अन्सारी (वय ४२) व इस्माईल सलीम शेख (वय २१) असे या आरोपींची नावे आहेत. दोघांविरुद्ध एनडीपीएस कायद्यान्वये गुन्हा दाखल केला आहे. एक राखाडी रंगाची होंडा सिटी कार ड्रगचा पुरवठा करण्यासाठी जात असल्याची गुप्त माहिती पोलिसांना मिळाली होती. त्यानंतर ANC पथकाने घाटकोपर बस डेपोजवळ सापळा रचून आरोपींना अटक केली आहे. त्यांची झडती घेतली असता ७० प्लॅस्टिकच्या पिशव्यांमध्ये ड्रग्ज आढळून आले.
