कोल्हापूर - येथील जिल्हाधिकारी कार्यालयासमोर एक जून भलेमोठे झाड अचानकपणे कोसळल्याची घटना आज दुपारी साडेबाराच्या सुमारास घडली ( kolhapur district collector house near tree fall ). हे झाड रस्त्यावरून जात असलेल्या चारचाकीवर अचानकपणे कोसळल्याने परिसरात एकच खळबळ उडाली. गाडीमध्ये असलेल्या चंद्रकांत देसाई (रा. उचगाव) हे गंभीर जखमी झाले असून त्यांना उपचारासाठी रुग्णालयात दाखल करण्यात आले आहे. घटना कळताच घटनास्थळी पोलीस, अग्निशमन दलाचे कर्मचारी व आपत्ती व्यवस्थापन चे अधिकारी कर्मचारी घटनास्थळी दाखल झाले असून रस्त्यावरचे झाड बाजूला करण्याचे काम त्वरित चालू करण्यात आले आहे दरम्यान चारचाकी चे मोठे नुकसान झाले असून परिसरात वाहतुकीची मोठी कोंडी झाली आहे.
चालत्या चारचाकीवर कोसळले झाड -
कोल्हापूर जिल्हाधिकारी कार्यालयाच्या नजीक असलेल्या महावीर उद्यान समोरील रोडवर चालत्या चारचाकी वाहनावर मोठे झाड कोसळले. दुपारी साडेबारा वाजण्याच्या सुमारास हा प्रकार घडला. यामध्ये वाहनांचे नुकसान झाले आहे. चालक चंद्रकांत देसाई (उचगाव ) हे जखमी झाले आहेत. चारचाकी वाहनात चालक एकटेच होते. वाहनाचे मालक नीरज उदय कोरिया हे आहेत. जिल्हाधिकारी कार्यालय ते खानविलकर पंपाकडे जाणाऱ्या रोडवर हा अपघात झाला. Mh09 DX 7001 हा वाहन क्रमांक आहे. बलेनो वाहनांचे नुकसान झाले आहे.
अग्निशमन दलाचे जवान घटनास्थळी दाखल -
वाहनावर झाड कोसळताच मोठा आवाज झाला. यामुळे परिसरात नागरिकांची एकच धावपळ सुरू झाली. वाहनावर झाड कोसळल्याने गाडीत अडकून पडलेल्या चालकाला काढण्यासाठी नागरिकानी गाडीवर चढून झाडाचे फांद्या तोडण्यास सुरुवात केली आणि चालकाला वाहनातून बाहेर काढून जखमीस दवाखान्यात दाखल केले. दरम्यान माहिती मिळताच, अग्निशमन दलाचे जवान आपत्ती व्यवस्थापनचे अधिकारी व पोलीस घटनास्थळी दाखल झाले. आणि पोलिसांनी एका रस्ता वाहतुकीसाठी बंद केले. तर अग्निशमन दलाचे जवान रस्त्यावर पडलेले झाड बाजूला करण्यास सुरुवात केली व झाडाखाली सापडलेले चारचाकी वाहन बाजूला काढले आहे. दरम्यान या घटनेमुळे परिसरात मोठी खळबळ उडाली होती.
हेही वाचा - VIDEO : नागपुरात विद्यार्थ्यांनी उभ्या खासगी स्कूल बसच्या काचा फोडल्या, घटना सीसीटीव्हीत कैद
