कोल्हापूर - जिल्ह्यात गेल्या 24 तासात तब्बल 277 जणांना कोरोनाची लागण झाली आहे. तर, तिघांचा कोरोनामुळे मृत्यू झाला असून, 23 जणांनी कोरोनावर मात केली आहे. नवीन आढळलेल्या 277 रुग्णांनंतर सद्यस्थितीत एकूण कोरोना पॉझिटिव्ह रुग्णांची संख्या आता 864 वर पोहोचली आहे. आतापर्यंत एकूण रुग्णांची संख्या 1860 वर पोहोचली आहे.
त्यातील 971 जणांना डिस्चार्ज देण्यात आला आहे. तर आत्तापर्यंत 43 जणांचा मृत्यू झाला आहे. मोठ्या संख्येने रुग्णांची वाढ झालेली ही पहिलीच वेळ आहे. त्यामुळे सर्वत्र भीतीचे वातावरण पसरले आहे. दरम्यान, रुग्णांची वाढत असलेल्या संख्येवर नियंत्रण येण्यासाठी पालकमंत्री सतेज पाटील यांनी सोमवारपासून कडक लॉकडाऊन जाहीर केले असून, सोमवारपासून 7 दिवस जिल्ह्यात लॉकडाऊन असणार आहे.
आजअखेर तालुका, नगरपालिका आणि महानगरपालिका क्षेत्रनिहाय रुग्णांची संख्या पुढीलप्रमाणे :
आजरा- 97
भुदरगड- 82
चंदगड- 211
गडहिंग्लज- 144
गगनबावडा- 7
हातकणंगले- 53
कागल- 64
करवीर- 195
पन्हाळा- 72
राधानगरी- 77
शाहूवाडी- 215
शिरोळ- 40
नगरपरिषद क्षेत्र- 340
कोल्हापूर महापालिका क्षेत्र-225
असे एकूण 1822
इतर जिल्हा व राज्यातील 38 असे मिळून एकूण 1860 रुग्णांची आजअखेर जिल्ह्यात संख्या आहे.
जिल्ह्यातील एकूण 1860 पॉझिटिव्ह रुग्णांपैकी 971 रुग्णांना डिस्चार्ज मिळाला आहे. तर एकूण 43 जणांचा मृत्यू झाला असल्यामुळे सद्यस्थितीत एक्टिव्ह रुग्णांची संख्या 846 इतकी आहे.
