कोल्हापूर : छत्रपती प्रमिलाराजे सरकारी रुग्णालयातील ( Chhatrapati Pramilaraj Government Hospital ) शवविच्छेदन विभागातील ( Autopsy Department ) फ्रिजर बंद असल्याचा प्रकार समोर आला आहे. विशेष म्हणजे फ्रिजर बंद असल्याने एक मृतदेह सडल्याची धक्कादायक बाबसुद्धा समोर आली आहे. याच सडलेल्या मृतदेहावर कोल्हापुरातील एका सामाजिक कार्यकर्त्याकडून ( social worker in Kolhapur ) अंत्यसंस्कार करण्यात आले आहेत. गेल्या सहा दिवसांपासून येथील फ्रिजर बंद असल्याचे समजले असून, याबाबत तत्काळ लक्ष देण्याची गरज असल्याचे नागरिकांनी म्हटले आहे.
वारंवार निदर्शनास आणले मात्र त्याकडे दुर्लक्ष : दरम्यान, कोल्हापुरातील थोरला दवाखाना म्हणून येथील छत्रपती प्रमिलाराजे रुग्णालय अर्थात सीपीआरकडे पाहिले जाते. मात्र, या रुग्णालयातील शवविच्छेदन विभागातील फ्रिजरच गेल्या 6 दिवसांपासून बंद असल्याचे समोर आले आहे. परिणामी एक मृतदेह अक्षरशः सडल्याचे सामोरे आले असून, त्या मृतदेहावर एका सामाजिक कार्यकर्त्याकडून अंत्यसंस्कार करण्यात आले आहेत.
हाॅस्पिटल प्रशासनाचे दुर्लक्ष : एवढी मोठी घटना असूनही हॉस्पिटल प्रशासनाचे याकडे अक्षम्य दुर्लक्ष होत आहे. फ्रिजर बंद पडला असल्याबाबत शवविच्छेदन विभागातील कर्मचाऱ्यांनीसुद्धा प्रशासनाला कळवले आहे. तरीसुद्धा एक महत्त्वाचा विभाग मानल्या जाणाऱ्या या शवविच्छेदन गृहाकडे दुर्लक्ष करीत आहे. प्रशासन अद्यापि सुस्त असल्याचे दिसून येत असून, याकडे तत्काळ लक्ष देण्याची मागणी नागरिकांनी केली आहे.
हेही वाचा : Uddhav Thackeray Interview: घ्या निवडणुका, होऊ द्या जनतेच्या कोर्टात फैसला- उद्धव ठाकरे
हेही वाचा : Panhalagad Police : दारू पार्टी प्रकरणी झुणका भाकर केंद्र आणि पर्यटकांवर पोलिसांत गुन्हा दाखल
