कोल्हापूर : 8 ते 14 नोव्हेंबर बालदिवस सप्ताह; विविध उपक्रमांसह स्पर्धांचे आयोजन

14 नोव्हेंबर या बालदिनानिमित्त बालकांच्या सुप्त गुणांचा विकास करण्यासाठी इयत्ता पहिली ते बारावीच्या विद्यार्थ्यांसाठी शनिवार 8 ते 14 नोव्हेंबर बालदिवस सप्ताह कोल्हापुरात साजरा करण्यात येणार

कोल्हापूर - 14 नोव्हेंबर या बालदिनानिमित्त बालकांच्या सुप्त गुणांचा विकास करण्यासाठी इयत्ता पहिली ते बारावीच्या विद्यार्थ्यांसाठी उद्या शनिवार 8 ते 14 नोव्हेंबर बालदिवस सप्ताह म्हणून साजरा करण्यात येणार असल्याची माहिती जिल्हा शिक्षण व प्रशिक्षण संस्थेचे प्राचार्य डॉ.आय.सी.शेख यांनी दिली. शिवाय या निमित्ताने विविध उपक्रम आणि स्पर्धा घेण्यात येणार असल्याचेही त्यांनी यावेळी म्हटले.


उपक्रमाचे स्वरूप -
बाल दिनानिमित्त 7 गटात विविध उपक्रम आणि स्पर्धा घेण्यात येणार आहेत. प्रत्येक उपक्रमासाठी तालुका, जिल्हा व राज्य स्तरावर प्रथम तीन क्रमांक निवडण्यात येणार आहेत. निवड झालेल्या विद्यार्थ्यांना प्रशस्तीपत्र व रोख रक्कम बक्षीस देण्यात येणार असून या उपक्रमात सहभागी विद्यार्थ्यांना सहभाग प्रमाणपत्र सुद्धा देण्यात येणार आहे.

8 ते 14 नोव्हेंबर रोजीच्या स्पर्धेची सविस्तर माहिती - 8 नोव्हेंबर - पहिली ते दुसरीसाठी भाषण- मी नेहरू बोलतोय या विषयावर 3 मिनिटांचा व्हिडीओ अपलोड करणे. 9 नोव्हेंबर - तिसरी ते पाचवीसाठी पत्रलेखन- चाचा नेहरूंना पत्र (शब्द मर्यादा 300) एफोर साईज कागदावर लिहून अपलोड करणे. 10 नोव्हेंबर -सहावी ते आठवीसाठी स्वलिखित कविता वाचन- नेहरूंवरून स्वत: लिहिलेल्या कवितेचे वाचन करून त्याचा व्हिडीओ अपलोड करणे. 11 नोव्हेंबर - सहावी ते आठवीसाठी नाट्यछटा/ एकपात्री- नेहरूजींच्या जीवनावर आधारित 3 मिनीटांचा व्हिडीओ अपलोड करणे. 12 नोव्हेंबर- नववी ते दहावीसाठी पोस्टर करणे- स्वातंत्र्य संग्रामातील नेहरूजींच्या जीवनावर आधारित प्रसंग चित्र रेखाटणे व पोस्टर अपलोड करणे. तसेच एकरावी ते बारावीसाठी निबंध लेखन- स्वातंत्र्य संग्रामातील नेहरूंचे योगदान, नेहरू औद्योगिक विकासाचा पाया रचनारे व नेहरू विज्ञान व तंत्रज्ञान निबंध लिहून अपलोड करणे. याची शब्द मर्यादा 900 ते 1000 इतकी असणार आहे.13 नोव्हेंबर- नववी ते दहावीसाठी निबंध लेखन- नेहरू स्वातंत्र्यानंतर देशाच्या जडण घटणातील वाटा, नेहरू भारताचा शोध आत्मचरित्र निबंध लिहून अपलोड करणे. शिवाय एकरावी आणि बारावीसाठी नेहरूंच्या जीवनावर आधारित डॉक्युमेंटरी तयार करणे. (5 मिनीटांचा व्हिडीओ अपलोड करणे)14 नोव्हेंबर - पहिली ते बारावीसाठी बाल साहित्य ई-संमेलन- नेहरूंशी संबंधित स्वरचित कथा, कविता, प्रसंग सादर करणे. याची 3 मिनिटे वेळ मर्यादा असणार आहे. स्पर्धेसाठी #baldivas2020 हॅशटॅग - या उपक्रमात भाग घेताना विद्यार्थ्यांनी आपल्या पालकांच्या किंव्हा शिक्षकांच्या फेसबुक अकांऊटवरून #baldivas2020 या हॅशटॅगचा वापर करून आपल्या गटानुसार व्हिडिओ आणि फोटो अपलोड करण्याचे जिल्हा शिक्षण व प्रशिक्षण संस्थेचे प्राचार्य शेख यांनी आवाहन केले आहे. त्याचबरोबर इंस्टाग्राम, व्टिटरवर देखील #baldivas2020 हा हॅशटॅग वापरून आपले व्हिडिओ फोटो अपलोड करण्याचे आवाहन करण्यात आले आहे.