औरंगाबाद - कन्नड तालुक्यातील हिवरखेडा नांदगीर वाडीत विद्युत प्रवाहाची तार ओढण्याचे काम सुरु होते. यावेळी अचानक तारेत विद्युत प्रवाह आल्याने नावडी येथील चार तरुणांचा मृत्यु झाला ( Four killed in electric shock in Aurangabad ) आहे. ही घटना शुक्रवारी दुपारी अडीच वाजेच्या सुमारास ही घटना घडली.
विजेच्या धक्काने चौघांचा मृत्यू - गणेश कारभारी थेटे (35) भारत बाबुराव वरकड (35) जगदीश मुरकुंडे( 40) अर्जुन वाळु मगर (26) सर्व राहणार नावडी गाव असे मयताची नावे आहेत.
...आणि चौघांनाही शॉक लागला - हिवरखेडा नांदगीर वाडी या शिवारात हे चार जण विद्युत पोल उभे करण्याचे काम सुरु आहे. त्या पोलवर नवीन तार ओढण्याचे काम चालु होते. ज्या ठिकाणी हे तार ओढण्याचे काम सुरू होते तिथे विद्युत प्रवाह नव्हता. मात्र 300 फुट अंतरावरुन एका शेतकऱ्यांनी वायर टाकुन लाईट नेली होती. तार ओढत असताना ती तार नेमकी त्या केबलवर वायरवर पडली. तार ओढत असताना ती तार वायरला चिटकली आणि विद्युत प्रवाह त्या तारेत उतरला. यातच शॉक लागून 4 तरुणांचा जागीच मृत्यू झाला. या घटनेचा अहवाल मागवला जाणार असल्याची माहिती महावितरण अभियंत्यांनी दिली.
