औरंगाबाद - बाबरी मशीद पाडल्याप्रकरणी आज निकाल जाहीर झाला. या निकालात सर्व आरोपींची निर्दोष मुक्तता करण्यात आली. मुख्य आरोपींमध्ये औरंगाबादचे माजी खासदार मोरेश्वर सावे यांचा समावेश होता. त्यांची निर्दोष मुक्तता झाल्यावर त्यांचे पुत्र भाजपा आमदार अतुल सावे यांनी आनंद व्यक्त केला.
अयोध्येला जात असताना औरंगाबादहून मोठ्या संख्येने कारसेवक गेले होते. त्यावेळी मोरेश्वर सावे देखील गेले होते. त्यावेळी बाबरी पाडण्याचे कुठलेही नियोजन नव्हते. जे काही घडले, ते अचानक घडले. ते न्यायालयाने देखील मान्य केल्याने सत्याचा विजय झाला आहे. राम मंदिराचे भूमीपूजन नुकतेच झाले. या दोन्ही गोष्टींमुळे हिंदुत्वाचा विजय झाला आहे. माझे वडील मोरेश्वर सावे आज असते तर, त्यांना आनंदच झाला असता. आमच्या कुटुंबीयांना आनंद झाला आहे, असे मत आमदार अतुल सावे यांनी सांगितले.
हेही वाचा - कारसेवक म्हणून 13 दिवस तुरुंगात; किशोर जैन यांनी 'त्या' आठवणींना दिला उजाळा
