Ashadi Ekadashi : महाएकादशी निमित्त 65 हजार लाडूंची निर्मिती, पंढरपूर येथे वारकऱ्यांना मोफत वाटप

आषाढी एकादशी ( Ashadi Ekadashi ) निमित्त वारकऱ्यांना मोफत गुळ-शेगदाण्याचे लाडू वाटप करण्यात येणार आहे."माझा एक लाडू पांडुरंगाला" ( One laddu to Panduranga ) असा हा उपक्रम असून हभप मनोज सुर्वे महाराज यांच्या नेतृत्वात राबवण्यात आला. औरंगाबाद शहरातील नागरिकांनी पंढरपूर येथे वारीला गेलेल्या वारकऱ्यांसाठी 65 हजार लाडूंची बांधणी केली आहे.

औरंगाबाद - आषाढी एकादशी ( Ashadi Ekadashi ) निमित्त न्यू शांती निकेतन कॉलनी, भानुदास नगर तसेच शहरातील भाविक भक्तांनी एकत्र येत पंढरपूर येथे वारीला गेलेल्या वारकऱ्यांसाठी 65 हजार लाडूंची बांधणी केली. गुळ, शेंगदाण्याचे लाडू आषाढी एकादशीला वारकऱ्यांना मोफत दिले जातात. "माझा एक लाडू पांडुरंगाला" असा हा उपक्रम असून हभप मनोज सुर्वे महाराज यांच्या नेतृत्वात राबवण्यात आला.

मागील 15 वर्षांपासून राबवला जात आहे उपक्रम - जवाहर नगर परिसरात दरवर्षी आषाढी एकादशीच्या निमित्ताने विशेष उपक्रम राबवला जातो. "माझा एक लाडू पंडुरंगाला" अस या उपक्रमाचे नाव ठेवण्यात आले आहे. या उपक्रमाचा हे पंधरावे वर्ष आहे. 2007 मध्ये या उपक्रमाची सुरुवात करण्यात आली. पाहिल्यावर्षी 101 लाडू पासून सुरुवात केलेला हा उपक्रम दर वर्षी वाढतच गेला, या वर्षी तो 65 हजार लाडूपर्यंत पोहचला आहे. यासाठी 1 हजार किलो शेंगादाने, 1 किलो गुळ आणि 50 किलो साजूक तूप वापरण्यात आल्याची माहिती हभप मनोज सुर्वे यांनी दिली. परिसरातील नागरिक एकत्र येत लाडू बांधणीला सुरुवात करतात. भजन कीर्तन करत पांडुरंगाचे नामस्मरण करत हा उपक्रम राबवाला जातो. एका कॉलनीत सुरु झालेल्या उपक्रणाला व्यापक स्वरूप मिळालं असून यामध्ये आता न्यू शांती निकेतन कॉलनी, भानुदास नगर, आणि शहरातील भाविक भक्तांनी एकत्र येत हा उपक्रम राबवतात. बनवलेले लाडू, आषाढी एकादशीच्या दिवशी पंढरपूर येथे आगोदर मंदिरात विठ्ठल रुख्माई यांना दाखविला जातो, त्यानंतर येणाऱ्या वारकऱ्यांना मोफत वाटप करण्यात येते.

महाएकादशी निमित्त 65 हजार लाडूंची निर्मिती, पंढरपूर येथे वारकऱ्यांना मोफत वाटप

हेही वाचा - Maharashtra breaking news update :जालन्यात गॅस गळतीने सिलेंडरचा स्फोट, स्फोटात घरातील सर्व साहित्य जळून खाक

दिंडी, मिरवणूक काढून केली सुरुवात - जवाहरनगर येथे लाडू तयार करण्याच्या उपक्रमाला भक्तिमय वातावरणात सुरुवात झाली. छोटे छोटे बालगोपाल विठुरायाच्या, रुखमाई मातेच्या, वारकऱ्यांच्या, भक्त पुंडलिकाच्या, हनुमान, राधा कृष्ण यांच्या वेशभूषेत मिरवणुकीत सहभागी झाले होते. टाळ, मृदंग, आणि आदर्श भजनी मंडळ यानी भक्ती गीत गात ही मिरवणूक काढण्यात आली होती. त्यानंतर लाडू बांधणीचा कार्यक्रम सुरू झाला. सर्व महिला, मुली एकत्र बसून गूळ शेंगादाने आणि गावरान तुपातली लाडू दोन्ही हातांनी तयार केले. जवळपास 400 महिला यात सहभागी झाल्या होत्या. त्यानंतर, पांडुरंगाची महाआरती हभप मनोज व लतिका सुर्वे यांच्या शुभ हस्ते करण्यात आली. हभप मनोज सुर्वे महाराज, दीपक हुल्सुरकर, विलास गायकवाड, नारायण दौड, अर्जुन पवार, मोटे मामा, डॉ. भेरव कुलकर्णी, नंदू घुगे, प्रमोद सुर्वे, आशा ताई दातार, राधा पवार, ताठे बाई, ढाकणे मावशी आदींनी या उपक्रमासाठी परिश्रम घेतले.

हेही वाचा - Samagra Shiksha Abhiyan : समग्र शिक्षा अभियानाचा खोळंबा; सोलापुरातील दीड लाख विद्यार्थी गणवेशापासून वंचित