अमरावती - भारतात अनेक राजे आणि राजघराणे होऊन गेले. मात्र, राजघराण्याशी कुठलाही संबध नसताना, सर्व जातीच्या लोकांना एकत्र करुन स्वराज्य स्थापनेसाठी लढणाऱ्या छत्रपती शिवाजी महाराजांनी स्थापन केलेले राज्य भोसले घराण्याचे नव्हते. तर, सर्व समाजातील लोकांचे हिंदवी स्वराज्य होते, अशी प्रतिक्रिया राष्ट्रवादी काँग्रेसचे अध्यक्ष शरद पवार यांनी व्यक्त केली ( Sharad Pawar On Hindavi Swarajya ) आहे.
शिवाजी महाराज यांच्या पुतळ्याचे अनावरण- शरद पवार अमरावती दौऱ्यावर ( Sharad Pawar In Amaravati ) आहेत. त्यांच्या हस्ते श्री शिवाजी संस्था संचलित डॉ. पंजाबराव देशमख स्मृती वैद्यकीय महाविद्यालय परिसरात छत्रपती शिवाजी महाराज यांच्या पुतळ्याचे अनावरण करण्यात ( Chhatrapati Shivaji Maharaj Statue Innauguration ) आले. त्यावेळी ते बोलत होते. या सोहळ्याला अमरावतीच्या पालकमंत्री यशोमती ठाकुर, क्रीडा व युवा कल्याण मंत्री सुनील केदार, शिक्षक आमदार किरण सरनाईक, खासदार नवनीत राणा, श्री शिवाजी शिक्षण संस्थेचे अध्यक्ष आणि माजीमंत्री हर्षवर्धन देशमुख, आमदार सुलभा खोडके, आमदार देवेंद्र भुयार, माजी आमदार गोपीचंद बाजोरिया, आमदार अमोल मिटकरी आदी उपस्थित होते.
