अमरावती : संत गाडगेबाबा अमरावती विद्यापीठाच्या ( Sant Gadgebaba Amravati University ) सिनेटची निवडणूक 20 नोव्हेंबर रोजी होणार आहे. या निवडणुकीसाठी 27 ऑक्टोबर पर्यंत उमेदवारी अर्ज दाखल करता येणार असून उमेदवारांना चार नोव्हेंबर रोजी उमेदवारी अर्ज मागे घेता येईल. निवडणूक कार्यक्रम जाहीर झाल्यामुळे आता अमरावती विभागातील पाचही जिल्ह्यात या निवडणुकीची धूम ( Amravati division are in frenzy of this election ) राहणार आहे.
4 नोव्हेंबरला उमेदवारांची अंतिम यादी होणार प्रकाशित : सिलेक्ट निवडणुकीसाठी पात्र असणाऱ्या उमेदवारांना 500 रुपये शुल्क भरून उमेदवारी अर्ज दाखल करता येणार आहे 27 ऑक्टोबर पर्यंत उमेदवारी अर्ज सादर करता येणार असून 28 ऑक्टोबरला उमेदवारी अर्जांची छाननी केली जाणार आहे उमेदवारी अर्ज बाबत दाखल आक्षेप हरकती संदर्भात एक नोव्हेंबरला कुलगुरू आणि कुलसचिवांच्या समोर निवाडा केला जाणार आहे. यानंतर चार नोव्हेंबरला उमेदवारांची अंतिम यादी जाहीर केली जाणार आहे.20 नोव्हेंबरला मतदान सिनेट निवडणुकीसाठी 20 नोव्हेंबरला सकाळी सात ते पाच या वेळेत मतदान प्रक्रिया राबविली जाणार आहे. 44 सिनेट सदस्य निवडणुकीत एससी, एसटी, एनटी, ओबीसी, संवर्गासह महिला सर्वसाधारण असे आरक्षण राहणार आहे.
अशी होणार सदस्यांची निवड : एकूण 44 सदस्य संख्या असणाऱ्या संत गाडगेबाबा अमरावती विद्यापीठ सिनेट सदस्यांमध्ये महाविद्यालयीन प्राचार्यांची संख्या 10 असून संस्थाचालक प्रतिनिधी सहा संचालक प्रतिनिधी 10, विद्यापीठ शिक्षक सात पदवीधर, नोंदणी सदस्य 10, विद्वत्त परिषद दोन, आणि परीक्षा मंडळाच्या तीन सदस्यांसाठी मतदारांना मतदान करावे लागणार आहे.
अशी आहे विभागातील मतदारांची संख्या :
| अमरावती | 18,808 |
| अकोला | 5612 |
| बुलढाणा | 4106 |
| यवतमाळ | 4838 |
| वाशिम | 1913 |
| एकूण मतदार | 35,277 |
