हैदराबाद Paytm Shares Fell 20 Percent : पेटीएमचे शेअर्स गडगडल्यानं गुंतवणूकदारांमध्ये मोठी खळबळ उडाली आहे. गुंतवणूकदारांनी पेटीएममध्ये मोठ्या प्रमाणात गुंतवणूक केली होती. मात्र पेटीएमनं सुरक्षित नसलेल्या 50 हजारापेक्षा कमी लोनवर मर्यादा आणल्यानंतर पेटीएमचे शेअर्स गडगडल्याची सध्या चर्चा सुरू आहे. पेटीएमचे शेअर्स तब्बल 20 टक्क्यानं गडगडले आहेत. त्यामुळे पेटीएमच्या गुंतवणुकदारांमध्ये मोठी अस्वस्थता पसरली आहे.
पेटीएमच्या शेअरमध्ये निचांकी घसरण : आज शेअर बाजार सुरु होताच पेटीएमची मूळ कंपनी असलेल्या फिनटेक फर्म वन 97 कम्युनिकेशन लिमिटेडच्या शेअरमध्ये मोठी घसरण झाली. आज सकाळी पेटीएमचे शेअर 20 टक्क्यांनी घसरुन 645.45 रुपयांच्या निच्चांकी पातळीवर गेला. त्यामुळे गुंतवणूकदारांमध्ये मोठी खळबळ उडाली. आज सकाळी शेअर बाजारात काही मिनिटांतच सेन्सेक्स 300 पेक्षा अधिक अंकांनी घसरल्यानं बाजारात मोठी गडबड झाली. निफ्टीही 70 अंकानं घसरला. सकाळी पेटीएमचे शेअर 9.15 वाजता 728.85 रुपयांवर सुरू झाला होता. मात्र त्यानंतर 20 मिनिटांच्या ट्रेडिंगमध्ये 650.65 रुपयांच्या निचांकी पातळीवर आला.
का गडगडले पेटीएमचे शेअर : सकाळी पेटीएमच्या गुंतवणूकदारांना मोठा फटका बसला. पेटीएमनं आपल्या पोस्टपेड योजनेतूील कर्ज कमी करण्याची घोषणा केली. त्यामुळे पेटीएमच्या शेअर्समध्ये मोठी घसरण झाली. पोस्टपेड कर्ज कमी करुन वैयक्तिक आणि व्यापारी कर्ज प्रकरणं वाढवण्याची कंपनीनं घोषणा केली. त्यामुळे पेटीएमच्या शेअर्समध्ये मोठी घसरण झाल्याचं मत व्यावसायिक तज्ज्ञांनी व्यक्त केलं आहे. त्यातच अनेक अनुभवी आणि जुने गुंतवणूकदार पेटीएमला सोडून गेले आहेत. गुंतवणुकदारांनी पेटीएमकडं पाठ फिरवल्याचा मोठा फटका पेटीएमला बसला आहे. त्यामुळेही पेटीएमचे शेअर्स गडगडल्याची चर्चा बाजारात सुरू आहे.
हेही वाचा :
