डॉलरच्या तुलनेत रुपया ४८ पैशांनी वधारला; आरबीआयच्या आर्थिक सुधारणेच्या घोषणांचा परिणाम

आठवडाभरात रुपयाची डॉलरच्या तुलनेत १२ पैशांनी घसरण झाली आहे. रुपयाचे डॉलरच्या तुलनेत गुरुवारी सर्वात कमी म्हणजे ७६.८७ रुपये मूल्य होते.

मुंबई - आरबीआयच्या आर्थिक सुधारणांचा भारतीय चलनाच्या मुल्यावर सकारात्मक परिणाम झाला. सतत घसरण सुरू असलेल्या रुपया डॉलरच्या तुलनेत ४८ पैशांनी वधारला. त्यामुळे एका डॉलरसाठी ७६.३९ पैसे मोजावे लागणार आहेत. रुपयाची गुरुवारी ऐतिहासिक घसरण झाली होती.

इंटरबँक फॉरेन एक्सचेंज खुले होताना रुपयाचे मूल्य एका डॉलरच्या तुलनेत ७६.५९ रुपये होते. त्यानंतर दिवसाखेर रुपया डॉलरच्या तुलनेत ४८ पैशांनी वधारला.