नवी दिल्ली - इंडसइंड बँकेचे शेअर ३ टक्क्यांहून अधिक घसरले आहेत. मूडीज इन्व्हेस्टर्स सर्व्हिसने इंडसइंड बँकेचे पतमानांकन स्थिरवरून नकारात्मक केले आहे. त्याचा फटका इंडसइंड बँकेच्या शेअरला बसला आहे.
मुंबई शेअर बाजारात इंडसइंड बँकेचे शेअर ३ टक्क्यांहून अधिक कमी होवून प्रति शेअर १,२५२.५० रुपये झाले आहेत. निफ्टीतही इंडसइंड बँकेचे शेअर ३.१६ टक्क्यांनी घसरून १,२५१.७० रुपये झाले आहेत. यापूर्वी इंडसइंड बँकेचे मानांकन हे बीएए३/पी३ श्रेणीत करण्यात येत होते.
बीएए३ म्हणजे गुंतवणूक श्रेणीमधील सर्वात कमी दर्जाचे मानांकन आहे. हे मानांकन बदलून नकारात्मक करण्यात आलेले आहे.
