मुंबई - सोन्याच्या दरवाढीचा दागिने उद्योगाला मोठा फटका बसला आहे. वाढलेल्या सोन्याच्या दरामुळे ग्राहकांकडून दागिन्यांची मागणी कमी झाली आहे. त्याचा परिणाम म्हणून वर्ष २०१९-२०२० मध्ये दागिन्यांच्या मागणीत ६ ते ८ टक्के घट होईल, असा अंदाज आहे.
गेल्या पाच वर्षात सोन्याची सर्वात कमी मागणी वर्ष २०१९ मध्ये नोंदविण्यात आली आहे. काळ्या पैशाला आळा घालण्यासाठी सोन्याच्या खरेदीवर नियमन करण्यात आले आहे. तसेच गुंतवणुकीमधून कमी परतावा मिळत असल्याने सोन्याच्या मागणीत घट झाल्याचे इक्रा या पतमानांकन संस्थेने अहवालात म्हटले आहे.
हेही वाचा-दिवसभरातील व्यापार विषयक काही घडामोडींचा संक्षिप्त वेध
वर्ष २०१८ मध्ये सोन्याच्या मागणीत ८.९ टक्के वाढ झाली होती. तर आर्थिक वर्ष २०१९ सोन्याचे दर वाढल्याने दागिन्यांची मागणी घटली होती. किंमत वाढल्याने ग्राहक सोन्याच्या खरेदीचा निर्णय पुढे ढकलतात. त्याचा परिणाम सराफ बाजारपेठेतील उलाढालीवर होतो. अक्षयतृतीया, विवाह मुहर्त आणि दिवाळी अशा सणांदरम्यान ग्राहकांकडून सोन्याची मागणी वाढत असते.
हेही वाचा-दृष्टीहीन व्यक्तींसाठी आरबीआयचे अॅप; नोटांची सत्यता पटविण्याकरता होणार मदत
