नवी दिल्ली - टाटा सन्सने एनसीएलएटीच्या निकालाविरोधात सर्वोच्च न्यायालयात याचिका दाखल केली आहे. या प्रकरणी सर्वोच्च न्यायालयात १० जानेवारीला सुनावणी होण्याची शक्यता आहे.
टाटा सन्सच्या याचिकेची १० जानेवारीला सुनावणी होणार असल्याचे सर्वोच्च न्यायालयाच्या वेबसाईटवरील माहितीत म्हटले आहे. टाटा सन्सच्या याचिकेप्रकरणी सायरस इन्व्हेस्टमेंट्स, सायरस मिस्त्री आणि इतर जणांनी सर्वोच्च न्यायालयात कॅव्हिएट दाखल केले.
हेही वाचा-'रिलायन्स'ला सर्वोच्च न्यायालयाचा दिलासा; केंद्र सरकारची फेटाळली 'ही' याचिका
एनसीएलएटीच्या निकालाने कॉर्पोरेट लोकशाही आणि संचालक मंडळाच्या अधिकाराला सुरुंग लागणार असल्याचे टाटा सन्सने याचिकेत म्हटले आहे. दरम्यान, सायरस मिस्त्री यांनी टाटा सन्सचे संचालक पद स्वीकारण्यासाठी इच्छुक नसल्याचे रविवारी म्हटले आहे. दोन आठवड्याच्या हिवाळी सुट्टीनंतर सोमवारी सर्वोच्च न्यायालयाचे कामकाज सुरू झाले आहे.
हेही वाचा-पीएमसी घोटाळ्यानंतर आरबीआयने नागरी सहकारी बँकांसाठी केला नवा नियम
एनसीएलएटीने काय दिला होता निकाल?
एनसीएलएटीने सायरस मिस्त्री यांची टाटा सन्सच्या चेअरमनपदी पुन्हा नियुक्ती करण्याचे डिसेंबर २०१९ मध्ये आदेश दिले आहेत. तर एन. चंद्रशेखरन यांची कार्यकारी चेअरमनपदावरील नियुक्तीही एनसीएलएटीने बेकायदेशीर असल्याचे निकालात म्हटले होते. मिस्त्री यांना रतन टाटा यांच्या जागी टाटा सन्सच्या चेअरमन पदी डिसेंबर २०१२ ला जबाबदारी स्वीकारली होती. या कालावधीत त्यांनी टाटा ग्रुपमधील टाटा पॉवर आणि टाटा मोटर्सच्या अध्यक्षपदाची धुराही सांभाळली होती.
