नवी दिल्ली - सलग तिसऱ्या दिवशी देशात पेट्रोलचे दर वाढले आहेत. यामुळे ग्राहकांच्या खिशाला कात्री लागली आहे. तर डिझेलचे दर स्थिर राहिले आहेत.
दिल्ली, कोलकाता आणि मुंबईत पेट्रोल १४ पैशांनी महागले आहे. तर चेन्नईत पेट्रोल १५ पैशांनी पेट्रोल महागले आहेत. गेल्या तीन दिवसात दिल्ली, कोलकाता आणि मुंबईत पेट्रोलचे दर ४७ पैशांनी वाढले आहेत. तर चेन्नईत पेट्रोल हे गेल्या तीन दिवसात ५० पैशांनी महागले आहे.
इंडियन ऑईल वेबसाईटच्या आकडेवारीनुसार असे आहेत पेट्रोलचे दर (रुपयामध्ये) -
- दिल्ली - ७३.७७
- कोलकाता-७६.४७
- मुंबई - ७९.४४
- चेन्नई - ७६.६८
हेही वाचा-बिल गेट्स पुन्हा ठरले जगातील सर्वात श्रीमंत व्यक्ती ; अॅमेझॉनच्या संस्थापकाला टाकले मागे
सरकारी तेल मार्केटिंग कंपन्यांकडून रोज जागतिक बाजारपेठेतील खनिज तेलाच्या किमतीचा आढावा घेतला जातो. त्याप्रमाणे कंपन्यांकडून पेट्रोल-डिझेलचे दर निश्चित करण्यात येतात. गेली तीन दिवस डिझेलच्या किमती चारही महानगरात स्थिर राहिल्या आहेत.
असे आहेत डिझेलचे दर (रुपयामध्ये)
- दिल्ली - ६५.७९
- कोलकाता-६८.२०
- मुंबई -६१.०१
- चेन्नई -६९.५४
हेही वाचा-'कोणत्याही कंपनीचे कामकाज बंद पडू नये, अशी माझी इच्छा आहे'
दरम्यान, भारत पेट्रोलियम कंपनी लि. या सरकारी कंपनीचे खासगीकरण करण्याचा प्रस्ताव येत्या केंद्रीय मंत्रिमंडळाच्या बैठकीत मंजूर होण्याची शक्यता आहे.
