दावोस - जगभरातील विविध देशांचे नेते जागतिक आर्थिक मंचाच्या ५० व्या वार्षिक बैठकीला उपस्थित राहणार आहेत. या पार्श्वभूमीवर जिनिव्हास्थित संस्थेचे संस्थापक क्लावूस श्वाब यांनी २०५० किंवा त्यापूर्वी शून्य कार्बन उत्सर्जनाचे उद्दिष्ट पूर्ण करण्याचे आवाहन केले आहे.
जागतिक आर्थिक मंचाचे संस्थापक क्लावूस श्वाब यांनी सर्व सदस्य देशांना व भागीदारांना रविवारी पत्र लिहिले आहे. या पत्रात त्यांनी दृढसंबंध आणि शाश्वत जगासाठी ठोस सुधारणा करण्याची गरज अधोरेखित केली आहे.
जागतिक आर्थिक मंचाच्या बैठीकाला सुमारे ३ हजारांहून अधिक जागतिक नेते, कंपन्यांचे सीईओ, राजकीय नेते उपस्थित राहणार आहेत. यामध्ये अमेरिकेचे राष्ट्राध्यक्ष डोनाल्ड ट्रम्प आणि जर्मनीचे पंतप्रधान अँजेला मर्केल यादेखील मंचाच्या वार्षिक बैठकीत उपस्थित राहणार आहेत. 'दृढसंबंध आणि शाश्वत जगासाठी भागीदार' ही जागतिक आर्थिक मंचाच्या ५० व्या वार्षिक परिषदेची संकल्पना आहे.
हेही वाचा-असमानतेची प्रचंड दरी! देशातील अब्जाधीशांची एकूण संपत्ती वार्षिक अर्थसंकल्पाहून अधिक
हवामान बदलावर कंपन्या आणि गुंतवणूकदारांनी नेतृत्व दाखविण्याची यापूर्वी कधी नव्हती, तेवढी गरज निर्माण झाली आहे. हवामान बदलाचा प्रश्न सोडविण्यासाठी बांधिलकी दाखवित असल्याचेही त्यांनी पत्रात नमूद केले आहे. यंदा पॅरिसमध्ये हवामान बदलाचा करार होवून पाच वर्ष झाली आहेत. त्या पार्श्वभूमीवर जागतिक आर्थिक मंचाची बैठक महत्त्वपूर्ण आहे.
हेही वाचा- केंद्रीय अर्थसंकल्प छपाईसाठी होणार रवाना; 'ही' आहे अनोखी परंपरा
