नवी दिल्ली - फेसबुकची मालकी असलेल्या व्हॉट्सअपला मोठा धक्का बसला आहे. उचित व्यापाराचे नियमन करणाऱ्या सीसीआयने व्हॉट्सअपच्या गोपनीयता धोरणाचा तपास करण्याचे आदेश संबंधित यंत्रणांना दिले आहेत.
बाजारपेठेत एकाच कंपनीचे वर्चस्व प्रस्थापित होऊ नये, यासाठी सीसीआयचे (भारतीय स्पर्धात्मक आयोग) नियम कंपन्यांना लागू होतात. या नियमांचे उल्लंघन करणाऱ्या कंपन्यांची सीसीआयकडून चौकशी करण्यात येते. व्हॉट्सअप एलएलसी आणि पालक कंपनी फेसबुकच्या गोपनीयतेच्या धोरणाची आयोगाने सू मोटोद्वारे दखल घेतली आहे. व्हॉट्सअपच्या गोपनीयतेच्या धोरणाचाचा व्हॉट्सअपचे वापरकर्ते आणि बाजारपेठेवर परिणाम असल्याचे माध्यमात म्हटले होते. या वृत्ताची भारतीय स्पर्धात्मक आयोगाने (सीसीआय) दखल घेतली आहे.
सीसीआयने व्हॉट्सअप गोपनीयतेच्या धोरणाचा तपास करण्याचे निर्देश महासंचालनालयासह तपास संस्थेला दिले आहेत. हा तपास अहवाल ६० दिवसांमध्ये सादर करण्याचे आदेशही दिले आहेत.
हेही वाचा-व्हॉट्सअपसह इन्स्टा काही काळ पडले बंद; वापरकर्त्यांना सोसावा लागला त्रास
व्हॉट्सअपच्या अटी वापरकर्त्याला बंधनकारक असणार आहेत. या अटी स्वीकारल्या नाही तर वापरकर्त्याला व्हॉट्सअप बंद करावे लागणार आहे. अटीनुसार वापरकर्त्याला डाटा फेसबुकसह इतर कंपनीमध्ये सामाईक करण्याची परवानगी देण्यात येणार आहे. या अटीमुळे बाजारपेठेवर परिणाम आणि व्हॉट्सअपने बाजारातील शक्तीचा काय फायदा घेतला याचा सीसीआयकडून तपास केला जाणार आहे.
हेही वाचा-व्हॉट्सअपकडून गोपनीयतेचे धोरण मागे घेण्याच्या निर्णयाचे मार्क झुकेरबर्गकडून समर्थन
दरम्यान, केंद्र सरकारने व्हॉट्सअपला प्रस्तावित गोपनीयतेच्या धोरणात बदल करण्यावर पुनर्विचार करण्यास सूचविले आहे. ही माहिती केंद्रीय माहिती आणि तंत्रज्ञान मंत्री संजय धोत्रे यांनी लोकसभेत नुकतेच दिली आहे.
व्हॉट्सअपने १५ मेपासून गोपनीयतेच्या धोरणात बदल केल्याचे जाहीर-
व्हॉट्सअपने १५ मेपासून गोपनीतयतेच्या धोरणात बदल करण्याचे जाहीर केले आहे. व्हॉट्सअपने गोपनीयतेच्या धोरणात बदल करण्याचे जाहीर केल्यावर भारतासह जगभरातून फेसबुक कंपनीवर टीका करण्यात आली होती. व्हॉट्सअपचा डाटा फेसबुकची मालकी असलेल्या इतर कंपन्यांकडे सामाई केला जाईल, अशी जगभरातील वापरकर्त्यांमध्ये भीती आहे. असे असले तरी व्हॉट्सअपवरील संदेश हे इन्ड-टू-इन्ड इन्क्रिप्टेड असल्याचे व्हॉट्सअपची मालकी असलेल्या फेसबुकने जाहीर केले होते.
काय आहे व्हॉट्सअपच्या अपडेटचा वादग्रस्त मुद्दा?
केंद्र सरकारने व्हॉट्सअपला गोपनीयतेचे धोरण काढण्याची सूचना केल्यानंतर कंपनीने भूमिका स्पष्ट केली आहे. प्रस्तावित गोपनीयेतच्या धोरणातून वापरकर्त्यांचा डाटा फेसबुकशी वापर करण्याबाबत कोणताही बदल होणार नाही. त्या मुद्द्याबाबत असलेल्या प्रश्नांना उत्तरे देण्यासाठी खुले असल्याचे कंपनीने यापूर्वीच म्हटले आहे. व्हाट्सअपकडून डाटावर कशी प्रक्रिया केली जाते. डाटा कसा स्टोअर केला जातो, आदी बाबीबाबत धोरण बदलण्यात येत आहे. हे अपडेट ८ फेब्रुवारीपासून लागू होणार होते. मात्र, हा निर्णय पुढे ढकलण्यात आला आहे. फेसबुकच्या अटी मान्य केल्यानंतर हे अपडेट होणार आहे.
