कोलकाता - आयपीएलमध्ये आजच्या ४३ व्या सामन्यात ईडन गार्डन मैदानावर कोलकाता आणि राजस्थान यांच्यात लढत सुरू आहे. यात राजस्थानने नाणेफेक जिंकत प्रथम गोलंदाजी करण्याचा निर्णय घेतला आहे. २ वेळा आयपीएलचा किताब जिंकणाऱ्या कोलकाताने मागील ६ सामने गमावले आहे. प्लेऑफमध्ये कायम राहण्यासाठी इथून पुढचे सर्व सामने जिंकावे लागणार आहे.
दुसरीकडे आतापर्यंत १० पैकी केवळ ३ सामने जिंकणाऱ्या राजस्थान संघाचे नेतृत्व या सामन्यात ऑस्ट्रेलियाचा स्टीव स्मिथ करत आहे. राजस्थानने कोलकाताच्या होम मैदानावर शेवटचा विजय २००८ साली मिळविला होता. त्यानंतर त्यांना या मैदानावर विजय मिळविता आला नाही.
