मोहाली - आयपीएलमधील ५५ व्या सामन्यात आज चेन्नई आणि पंजाब यांच्यात लढत होणार आहे. चेन्नईला गुणतालिकेत अव्वल कायम राहण्यासाठी विजयाची गरज आहे. दुसरीकडे पंजाबला शेवट गोड करण्यासाठी आज विजय अनिवार्य आहे.
चेन्नईने मागील सामन्यात दिल्ली कॅपिटल्स विरुद्ध खेळताना ८० धावांनी विजय मिळवला. चेन्नईच्या खात्यात आता १३ सामन्यात १८ गुणांची नोंद आहे. आज विजय मिळविल्यास त्यांचे २० गुण होतील. आजच्या सामन्यात चेन्नईचे पारडे जड मानले जात आहे. चेन्नईकडे सुरेश रैना, अंबाती रायुडू, डू प्लेसिस सारखे फलंदाज तर हरभजन सिंग, रविंद्र जाडेजा, इम्रान ताहिर सारखे गोलंदाज फॉर्मात आहेत.
दुसरीकडे पंजाबचा संघ प्ले ऑफच्या रेसमधून बाहेर पडला आहे. प्रतिष्ठा राखण्यासाठी आज विजय मिळविण्याचा प्रयत्न करतील. त्याचे १३ सामन्यात १० गुण आहेत. सध्या गुणतालिकेत पंजाबचा संघ सातव्या स्थानावर आहे.
