नवी दिल्ली : दिल्लीतील बहुचर्चित श्रद्धा हत्या प्रकरणाचा ( shraddha murder case ) उलगडा झालेला नसतानाच आणखी एक असेच प्रकरण समोर आले आहे. यामध्ये पोलिसांनी सोमवारी पूर्व दिल्लीत सापडलेल्या मानवी शरीराच्या तुकड्यांचे गूढ उकलल्याचा दावा केला आहे.( Pandav Nagar Murder ) हे प्रकरण सुरुवातीला बेकायदेशीर सबंधाशी संबधित आहे, ज्यामध्ये दिल्लीतील पांडव नगर येथील रहिवासी अंजन दास यांची बेशुद्ध करून हत्या करण्यात आली होती आणि मृतदेहाचे 10 तुकडे करून फ्रिजमध्ये ठेवण्यात आले होते. ही हत्या अन्य कोणी नसून त्याचा सावत्र मुलगा आणि पत्नीने मिळून केल्याचे प्राथमिक तपासात समोर आले आहे. या दोघांनी अंजन दासच्या मृतदेहाचे तुकडे केले, नंतर ते फ्रीजमध्ये ठेवले आणि ते दररोज आजूबाजूच्या परिसरात एक एक करून फेकून दिले. या हत्याकांडात सहभागी असलेल्या आई-मुलाला पोलिसांनी अटक केली आहे. ( Young Man Was Chopped Into Pieces )
सीसीटीव्हीमध्ये आरोपी दिसला : 5 जूनच्या रात्री पांडव नगर पोलीस ठाण्याच्या हद्दीतील रामलीला मैदानावरील झुडपात मानवी मृतदेहाचे तुकडे आढळून आल्याने खळबळ उडाली होती, पोलीस पथकाने एका पिशवीची तपासणी केली असता, त्यातून दुर्गंधी येत होती. त्यात मानवी शरीर सापडले. पोलिसांनी मृतदेह ताब्यात घेऊन तपास सुरू केला. दरम्यान, 7 जून आणि 9 जून रोजी याच रामलीला मैदानाभोवती मानवी अवयवांचे आणखी काही तुकडे सापडले होते. रामलीला मैदानाच्या आजूबाजूला बसवण्यात आलेल्या सीसीटीव्हीने हे संपूर्ण हत्याकांड उकलण्यात महत्त्वाची भूमिका बजावली असल्याचे सांगण्यात येत आहे. सीसीटीव्हीमध्ये आरोपी जंगलात पॉलिथिनच्या पिशव्या घेऊन जाताना दिसत होते, त्या आधारे पोलिसांनी तपास सुरू केला आणि त्यांच्यापर्यंत पोहोचले.
दिल्ली पोलिसांची पत्रकार परिषद अपडेट : दिल्ली पोलिसांच्या गुन्हे शाखेने दिलेल्या माहितीनुसार, ही हत्या ३० मे रोजी झाली. यानंतर मृतदेहाचे रक्त दोन दिवस रेफ्रिजरेटरमध्ये ठेवण्यात आले. 1 जून रोजी मृतदेहाचे 10 तुकडे करण्यात आले. त्यात सहा नग जप्त करण्यात आले असून, अन्य ४ तुकडे जप्त करणे बाकी आहे.पोलिसांनी दिलेल्या माहितीनुसार, अंजन दास यांची पत्नी पूनम आणि मुलगा दीपक यांनी मिळून हत्या केली होती. अंजन दासचे हे दुसरे आणि पूनमचे तिसरे लग्न होते. यापूर्वी पूनमचे सुखदेव तिवारी आणि कल्लू नावाच्या तरुणाशी लग्न झाले होते. अंजन दास यांचे लग्न बिहारमधील आरा येथे झाले, त्यांना 8 मुले होती. तो कल्याणपुरी येथे राहत होता आणि लिफ्ट ऑपरेटर म्हणून काम करत होता. त्याच्या हत्येत एकापेक्षा जास्त धारदार शस्त्रांचा वापर करण्यात आला होता. शरीराचा भाग डीएनए चाचणीसाठी देण्यात आला आहे. कुटुंबीयांनाही पाचारण करण्यात आले आहे, जेणेकरून याची खातरजमा करता येईल. घटनेच्या वेळी दीपक आणि पूनम हे दोघेच घरी होते.
