हैदराबाद ( तेलंगणा ) : जुबली हिल्स पोलिसांनी अल्पवयीन मुलीवरील सामूहिक बलात्कार प्रकरणाच्या तपासाला गती दिली ( jubilee hills rape case ) आहे. सोमवारी आरोपी अल्पवयीन मुलांची चौकशी करण्यात आली. यावेळी एक जण काहीही बोलला नाही. दोघांनी या प्रकरणात काही खळबळजनक तथ्ये सांगितली. विश्वसनीय माहितीनुसार, आरोपींनी पोलिसांना सांगितले की, त्यांनी इंग्रजी चित्रपट आणि वेब सीरिजमधून प्रेरणा घेत मुलीवर बलात्कार केला.
परीक्षा झाल्यापासून दररोज पबमध्ये : आरोपीने पोलिसांना सांगिले की, "परीक्षा पूर्ण झाल्यापासून आम्ही खूप मोकळे होतो. आम्ही जवळजवळ दररोज पबमध्ये जातो. आम्ही पार्ट्यांमध्ये भेटत होतो. त्यादिवशी (28 मे 2022) आम्ही अॅम्नेशिया पबमध्ये गेलो. पीडित मुलगी आणि तिच्या मैत्रिणीशी आमची ओळख झाली. आम्हाला त्यांना डेटवर जाण्यास सांगायचे होते. त्या हसत, बोलत होत्या आणि निष्पाप दिसत होत्या. त्यामुळे आम्हाला त्यांना बाहेर घेऊन जात काहीतरी करायचे होते.
घरी सोडतो म्हणत केला बलात्कार : सुरुवातीला आम्हाला त्यांची प्रतिक्रिया जाणून घ्यायची होती म्हणून आम्ही त्यांच्याशी चुकीचे वागलो. कारण आमच्या वाईट वागणुकीमुळे त्या दोघी बाहेर गेल्या. आम्ही त्यांचा पाठलाग केला. पीडितेची मैत्रीण तिच्या घरी गेली. आमच्याकडे आता एकच पर्याय होता आणि आम्हाला तो गमवायचा नव्हता. म्हणून आम्ही पीडितेला आमच्यावर विश्वास ठेऊन सांगितले की, आम्ही तिला घरी सोडतो. खरं तर, आम्हाला तिच्यावर बलात्कार करायचा होता. म्हणून आम्ही केला. आम्ही इंग्रजी चित्रपट आणि वेब सीरिजमधून प्रेरित झालो, असे दोन आरोपींनी पोलिसांना सांगितले.
मित्रांकडून पार्ट्यांचे आयोजन : बलात्कार प्रकरणातील अधिक पुरावे गोळा करण्यासाठी न्यायालयाच्या आदेशाने पोलीस अल्पवयीन मुलांची चौकशी करत आहेत. आरोपींपैकी एकाने तोंड उघडले नाही, तर अन्य दोघे तपशील उघड करत असल्याचे सांगण्यात येत आहे. ''आम्ही अल्पवयीन असल्यामुळे पब आमच्यासाठी प्रवेशयोग्य नाहीत. त्यामुळे आमचे प्रमुख मित्र पार्ट्यांचे आयोजन करतात, आम्ही सहभागी होऊन बिल स्वतः भरायचो,” असे दोन आरोपींनी पोलिसांना सांगितले.
६० दिवसात आरोपपत्र : पॉक्सो कायद्यानुसार प्रत्येक प्रकरणात ६० दिवसांच्या आत आरोपपत्र दाखल करण्याची तरतूद असल्याने या कायद्यात काय समाविष्ट करावे याकडे पोलिसांनी लक्ष केंद्रित केले आहे. न्यायालयाच्या आदेशाने मंगळवारी तीन अल्पवयीन मुलांची पाच दिवसांची आणि आणखी दोन अल्पवयीन मुलांची चार दिवसांची कोठडी संपणार आहे. सादुद्दीनची कोठडी संपल्यानंतर त्याला सोमवारी न्यायालयात हजर केल्यानंतर त्याला चंचलगुडा कारागृहात हलवण्यात आले.
