लखनऊ - सुप्रसिद्ध डान्सर सपना चौधरी (Sapna Chaudhary) सध्या चर्चेत आहे. लखनौ न्यायालयाने सपना चौधरीविरुद्ध अटक वॉरंट जारी (warrant against dancer sapna chaudhary) केले असून तिला २२ नोव्हेंबर रोजी सुनावणीसाठी हजर राहण्याचे आदेश दिले आहेत.
14 ऑक्टोबर 2018 रोजी एसआई फिरोज खान ने आशियाना पोलीस ठाण्यात एक FIR दाखल केला होता. एका प्रकरणात सपना चौधरीच्या अडचणी वाढल्या आहेत. प्रत्यक्षात, एकेकाळी बिग बॉसमध्ये (Big Boss) सहभागी झालेल्या हरियाणवी सिंगर आणि डान्सर सपना चौधरीवर तिच्या चाहत्यांची मनं मोडल्याचा आरोप करण्यात आला आहे, सपना चौधरीवर मनमानीपणे एक कार्यक्रम रद्द करण्याचा आणि तिकीट खरेदी करणाऱ्यांना पैसे परत न केल्याचा आरोप करण्यात आला आहे. अतिरिक्त मुख्य न्यायदंडाधिकारी शंतनू त्यागी (ACJM Shantanu Tyagi) यांच्या न्यायालयाने या प्रकरणी सपना चौधरीविरुद्ध वॉरंट जारी करताना या प्रकरणाची पुढील सुनावणी २२ नोव्हेंबर रोजी ठेवली आहे.
२२ नोव्हेंबरला पुढील सुनावणी
लखनौ हायकोर्टमध्ये करण्यात आलेल्या तक्रारीवर सपना चौधरीवर कारवाई करण्यात आली आहे. या प्रकरणी पुढील सुनावणी होईपर्यंत पोलिसांना आदेश देण्यात आले आहेत. चिफ ज्युडिशिअल मॅजिस्ट्रेट शांतनू त्यागी यांनी यावर सुनावाणी करताना सांगितले आहे, की पुढील सुनावणी २२ नोव्हेंबर रोजी होणार आहे.
सपनाने दिले होते हे पत्र
सपना चौधरीला अटक करुन पोलिस न्यायालयासमोर सादर करण्यात आहेत. पुढील सुनावणीत तिच्यावर ठेवण्यात आलेले आरोप निश्चित केले जाणार आहेत. त्यामुळे तिचे न्यायालयात राहणे आवश्यक आहे. या प्रकरणी पोलिस तक्रार दाखल झाल्यानंतर सपनाने तक्रार रद्द करण्यासाठी अर्ज दिला होता. त्यावर कारवाई करत पोलिसांनी तक्रार मागे घेतली होती. पण आता पुन्हा हे प्रकरण बाहेर काढण्यात आले आहे.
अशी झाली होती तिकिट विक्री
या प्रकरणी आयोजक जुनैद अहमद, नवीन शर्मा, इवाद अली, अमित पांडे आणि रत्नाकर उपाध्याय यांच्यावरही कारवाई करण्यात येणार आहे. या कार्यक्रमासाठी ३०० रुपयांचे एक अशा प्रकारे तिकिट विक्री करण्यात आली होती. हा कार्यक्रम बघण्यासाठी हजारोंनी प्रेक्षक जमले होते. पण सपना चौधरी आली नाही. त्यानंतर प्रेक्षकांनी मोठा गदारोळ केला होता. पैसे परत करण्याची मागणी केली होती.
हेही वाचा - Aniket VishwasRao : मराठी अभिनेता अनिकेत विश्वासरावसह तिघांवर कौटुंबिक हिंसाचाराचा गुन्हा दाखल
