हैदराबाद - उत्तराखंडमध्ये पाचव्या विधानसभा निवडणुकीचे निकाल अवघ्या काही तासांत समोर येणार आहेत. काँग्रेस व भाजप या दोन मुख्य पक्षातील काही उमेदवार असे आहेत ज्यांनी आजपर्यंत विधानसभा निवडणुकीत आपले गड राखून ठेवले आहेत. राज्याच्या राजकारणात या नेत्यांना मतदारसंघातील लोकांनी डोक्यावर घेतले आहे. जनमतांच्या जोरावर आजपर्यंत ते अजिंक्य राहिले आहेत.
बिशन सिंह चुफाल - बिशन सिंह चुफाल हे भाजपचे वरिष्ठ नेते आहेत. ते पिथौरागड जिल्ह्यातील डीडीहाट विधानसभा मतदार संघातून निवडणूक लढवत आहेत. डीडीहाट विधानसभा मतदार संघावर भाजपचा कब्जा आहे. मुख्यमंत्री पुष्कर सिंह डीडीहाट मतदारसंघात राहतात, यामुळे हा भाजपचा गड समजला जातो. स्वतंत्र उत्तराखंड झाल्यानंतर चारही विधानसभा निवडणुकीत या मतदारसंघात भाजपचे बिशन सिंह चुफाल हे विजयी झाले. 2017 साली बिशन सिंह यांनी किशन भंडारी यांचा 2 हजार 368 मतांनी पराभव केला. आमदार बिशन सिंह चुफाल हे खंडूरी व निशंक सरकारमध्ये मंत्री होते. 2017 मध्ये त्रिवेंद्र सरकारमध्ये कॅबिनेट मंत्रीपद होते व धामी सरकारमध्येही त्यांनी मंत्रीपद भुषवले. यंदाच्या निवडणुकीत बिशन सिंह चुफालच्या विरोधात काँग्रेसने प्रदीप सिंह पाल यांना तिकीट दिले आहे.
गोविंद सिंह कुंजवाल - अल्मोडा जिल्ह्याच्या जागेश्वर विधानसभा मतदारसंघातून काँग्रेसचे दिग्गज नेते गोविंद सिंह कुंजवाल हे निवडणुकीच्या रिंगणात उतरले आहेत. राज्याच्या स्थापनेपासून जागेश्वर विधानसभा मतदारसंघावर काँग्रेसचा दबदबा राहिला आहे. विधानसभेचे माजी सभापती गोविंद सिंह कुंजवाल हे मागील चार विधानसभा निवडणुकीत जागेश्वर मतदारसंघातून येत आहेत. 2017 च्या निवडणुकीवेळी गोविंद सिंह कुंजवाल यांनी भाजप उमेदवार सुभाष पांडेय यांचा केवळ 400 मतांनी पराभव केला होता. यावेळी कुंजवाल यांच्या विरोधात भाजपचे मोहन सिंह शड्डू ठोकून उभे आहेत. त्यामुळे या ठिकाणी कोण निवडून येईल, याकडे दोन्ही पक्षातील कार्यकर्त्यांचे लक्ष लागून आहेत.
प्रीतम सिंह - प्रीतम सिंह हे काँग्रेसचे माजी प्रदेशाध्यक्ष असून विधासभेचे विरोधी पक्षनेते आहे. डेहराडून जिल्ह्याच्या चकराता विधानसभा मतदारसंघातून ते निवडणूक लढवत आहेत. चकराता ब्रिटिशकालीन शहर असून एक पर्यटन स्थळ म्हणूनही प्रसिद्ध आहे. नैसर्गिक सौदर्यंतेसह याठिकाणची नृत्य कला, संस्कृतीसाठीही चकराता प्रसिद्ध आहे. चकराता विधानसभा मतदारसंघ हा काँग्रेसचा गड मानला जातो. 2002 पासून ते आजतागायत प्रीतम हे या मतदारसंघातून निवडून येत आहेत. प्रीतम सिंह यांनी 2007, 2012 व 2017 च्या विधानसभा मतदानावेळी आपल्या प्रतिस्पर्ध्याला धूळ चारली होती. भारतीय जनता पक्षाने या मतदारसंघाला सुरुंग लावण्याचा खूप प्रयत्न केला. प्रीतम सिंह यांच्यासमोर भाजपने मुन्ना सिंह चौहान यांच्या पत्नी मधू चौहान यांना उमेदवारी दिली आहे. गत निवडणुकीत प्रीतम सिंह यांनी भाजपच्या मधू यांचा 1 हजार 543 मतांनी पराभव केला. 2017 ची निवडणूक जिंकून प्रीतम सिंह चौथ्यांदा विधानसभेवर निवडून आले.
हरभजन सिंह चीमा - उधमसिंह नगर जिल्ह्यातील काशीपूर विधानसभा मतदार संघाला मिनी पंजाब म्हणूनही ओळखले जाते. या ठिकाणी आजही भाजप शिरोमणी अकाली दलास समर्थन करते. राज्याच्या स्थापनेपासून आजपर्यंत या मतदारसंघात शिरोमणी अकाली दलचे प्रदेशाध्यक्ष हरभजन सिंह चीमा हेच आमदार आहेत. आता त्यांनी आपल्या मुलाला त्रिलोक सिंह चीमाला मैदाना उतरवले आहे. त्रिलोक सिंह चीमा हे भाजपच्या चिन्हावर यंदा पहिल्यांच निवडणूक लढवत असून वडिलाप्रमाणे अजिंक्य राहण्याचा प्रयत्न करत आहे.
दिवंगत हरबंस कपूर - भाजपचे दिवंगत नेते हरबंस कपूर यांची देहराडून विधानसभा मतदार संघात मजबूत पकड होती. आपल्या राजकीय जीवनात हरबंस कपूर हे सलग आठ वेळा निवडून आले. 2007 साली दूसऱ्या विधानसभेत उत्तराखंडमध्ये पहल्यांदाच भाजपने सत्ता स्थापन केली होती. त्यावेळी ते विधानसेभेचे अध्यक्ष होते. त्यांच्या निधनानंतर भाजपने त्यांची पत्नी सविता कूपर यांना तिकीट दिले आहे. काँग्रेसचे प्रदेश उपाध्यक्ष सूर्यकांत धस्माना हे देहराडून कँट मतदार संघातून निवडूक लढवत आहे.
मदन कौशिक - हरिद्वार विधानसभा मतदार संघातून भाजपचे प्रदेशाध्यक्ष मदन कौशिक हे निवडणुकीच्या रिंगणात उतरले आहेत. मागील चारही विधानसभा निवडणुकीत भाजपची एकहाती सत्ता आहे. मदन कौशिक हे 2002, 2007, 2012 व 2017 असे सलग चारवेळा या मतदारसंघातून निवडून आले आहेत. 2017 च्या निवडणुकीत कौशिक यांनी सतपाल ब्रह्मचारी उर्फ सतपाल महाराज यांचे 35 हजारांहून अधिक फरकाने पराभव केला होता. यंदा पुन्हा सतपाल ब्रह्मचारी त्यांच्याविरोधात काँग्रेसच्या तिकीटावर निवडणूक लढवत आहेत.
प्रेमचंद अग्रवाल - योगनगरी ऋषिकेश या मतदारसंघात भाजपची मजबूत पकड आहे.योग राजधानी, अशी ओळख असलेले ऋषिकेश धार्मिक पर्यटनासाठीही एक महत्त्वपूर्ण शहर आहे. यामुळे हा मतदारसंघ राज्यात एक महत्त्वाचा मतदारसंघ मानला जातो. राज्याच्या स्थापनेनंतर 2002 च्या निवडणुकीत काँग्रेसचे उमेदवार शूरवीर सिंह सजवाण हे या ठिकाणाहून जिंकून आले होते. त्यानंतर 2007, 2012 व 2017 तिनवेळा जिंकत भाजपच्या प्रेमचंद अग्रवाल यांनी हॅट्ट्रीक केली आहे. 2017 साली प्रेमचंद अग्रवाल यांनी काँग्रेसच्या राजपाल खरोला यांचा सुमारे 14 हजारांच्या फरकाने पराभव केला होता. ऋषिकेशमध्ये नुकत्याच झालेल्या महापालिकेच्या निवडणूकीत भाजपचाच महापौर बसला आहे. त्यामुळे या मतदार संघात भाजपचा दरारा कायम आहे. यंदा प्रेमचंद अग्रवाल यांच्याविरोधात काँग्रेसने जयेंद्र रमोला यांना मैदानात उतरवले आहे.
यशपाल आर्य - उत्‍तर प्रदेश व उत्तराखंड के माजी मुख्यमंत्री एनडी तिवारी यांच्या तालमीत राजनितीचे धडे घेतलेल्या यशपाल आर्य यांची राजकीय सुरुवात सरपंच म्हणून झाली होती. स्वतंत्र उत्तराखंड राज्यात यशपाल आर्या सतत विधानसभेची निवडणूक जिंकत आहेत. 2002 व 2007 च्या निवडणुकीत यशपाल आर्य हे मुक्तेश्वर विधानसभा मतदारसंघातून निवडणूक जिंकत विधानभवनात पोहोचले होते. 2012 मध्ये यशपाल आर्य यांनी बाजपूर विधानसभा मतदारसंघातून निवडणूक जिंकली. 2017 मध्ये ते भाजपच्या गटात गेले व बाजपूर मतदारसंघातून काँग्रेसच्या सुनीता टम्टा यांचा पराभव केला. यावेळी निवडणुकीच्या तोंडावर त्यांनी काँग्रेसमध्ये घरवापसी केली असून बाजपूर मतदारसंघातूनच निवडणूक लढवत आहेत. सुनीता टम्टा या आपच्या तिकीटावर निवडणूक लढवत असून भाजपने राजेश कुमार यांनी मैदानात उतरवले आहे.
गणेश जोशी - सलग तीनवेळा विधानसभा निवडणूक जिंकून भाजपचे वरिष्ठ नेता गणेश जोशी यांनी हॅट्ट्रीक केली आहे. 2007 साली राजपूर मतदार संघातून गणेश जोशी यांनी पहिल्यांदा आमदारकी मिळवली. त्यानंतर 2012 व 2017 साली मसूरी मतदानसंघातून ते जिंकून आले. काँग्रेसच्या जोत सिंह यांना 2012 च्या निवडणुकीत सुमारे 9 हजारांच्या फरकांनी त्यांनी धूळ चारली. 2017 च्या निवडणुकीत गोदावरी थापली यांचा 19 हजारांहून अधिकच्या फरकाने पराभव केला. यावेळीही काँग्रेसकडून गोदावरी थापली याच मैदानात आहेत.
