कुलगाम (जम्मू-काश्मीर) - जम्मू-काश्मीरमधील कुलगाममध्ये दोन दहशतवाद्यांनी त्यांच्या पालकांच्या सांगण्यावरून सुरक्षा दलांसमोर आत्मसमर्पण केले. हे प्रकरण हदीमपूर गावचे आहे. चकमकीपूर्वी सुरक्षा दलांनी त्यांना आत्मसमर्पण करण्यास सांगितले. मात्र, ते मान्य करत नव्हते. त्यानंतर दहशतवाद्यांच्या पालकांना बोलावण्यात आले. ( Two terrorists surrender Today ) आधी आई आणि नंतर वडिलांना माईकवर शस्त्रे ठेवण्याचे आवाहन करण्यात आले त्यानंतर त्यांनी शस्त्र खाली ठेवून आत्मसमर्पण केले.
दहशतवाद्यांकडून मोठ्या प्रमाणात शस्त्रास्त्रे आणि दारूगोळा जप्त - जर आपण शस्त्रे खाली ठेवली तर त्यांना काहीही केले जाणार नाही, असे सुरक्षा दलाकडून त्यांना सांगण्यात येत होते. काही वेळातच दोन्ही दहशतवाद्यांनी आत्मसमर्पण केले. हे दोघेही अलीकडेच दहशतवादी संघटनेशी संबंधित असल्याचे सांगण्यात येत आहे. आत्मसमर्पण केल्यानंतर दहशतवाद्यांकडून मोठ्या प्रमाणात शस्त्रास्त्रे आणि दारूगोळा जप्त करण्यात आला आहे.
शरण येण्याची योजना आखली - बुधवारी सकाळी कुलगामच्या हदीगाम भागात दोन दहशतवादी असल्याची माहिती पोलिसांना मिळाली. दलाने घटनास्थळी पोहोचून दोन्ही दहशतवाद्यांना घेरले. यावेळी स्थानिक लोकांनी दोन्ही दहशतवाद्यांची ओळख पोलिसांना सांगितली. दोन्ही दहशतवादी स्थानिक असल्याचे पोलिसांकडून सांगण्यात आले. त्यावरून पोलीस अधिकाऱ्यांनी त्यांना शरण येण्याची योजना आखली.
दोन्ही दहशतवाद्यांनी आत्मसमर्पण केले - एसपी आणि सीओने दोन दहशतवाद्यांपैकी एकाच्या कुटुंबाला घटनास्थळी बोलावले. पोलिसांनी दहशतवाद्याच्या आईला माईक दिल्यावर तिने मुलाला शस्त्र सोडून जीव वाचवण्यास सांगितले. आईच्या हृदयस्पर्शी आवाहनानंतर पोलीस अधिकाऱ्यांनीही शस्त्र खाली ठेवल्यास त्याचा जीव वाचेल, असे जाहीर केले. पोलीस आणि आईचे म्हणणे ऐकून घेतल्यानंतर दोन्ही दहशतवाद्यांनी आत्मसमर्पण केले.
हेही वाचा - वाराणसीच्या स्वाती बालानी यांची प्राणी माया; पहा 'ETV Bharat'चा खास रिपोर्ट
