- जयपूर - दिल्लीमध्ये 43 दिवसांपासून शेतकऱ्यांचे केंद्रीय कृषी कायद्यांविरोधात आंदोलन सुरू आहे. या आंदोलनात सहभागी होण्यासाठी महाराष्ट्रातूनही अनेकजण जात आहेत. मराठवाड्यातील आत्महत्याग्रस्त शेतकरी कुटुंबातील लहान मुले आणि महिला या आंदोलनात सहभागी होण्यासाठी दिल्लीला निघाले आहेत.
सविस्तर वाचा - मराठवाड्यातील आत्महत्याग्रस्त कुटुंबीयांची दिल्लीकडे कूच, म्हणाले...
- मुंबई - राज्यात सध्या औरंगाबादचे संभाजीनगर असे नामांतर करण्यावरून राजकारण तापू लागले आहे. त्यातच सत्तेत असलेल्या महाविका आघाडी सरकारमधील घटक पक्ष काँग्रेसने औरंगाबादच्या नामांतराला ठणकावून विरोध केला आहे. काँग्रेसचे प्रदेशाध्यक्ष बाळासाहेब थोरात यांनी नामांतराच्या विषयावरून थेट माहिती व महासंचानलायाच धारेवर धरले आहे. काँग्रेसच्या या भूमिकेवर राज्यातील अनेक संघटनांनी नाराजी व्यक्त केली आहे. तसेच मराठा समाजाच्या संघटनांकडून थोरात यांच्या विरोधात आंदोलनेही केली आहेत. मात्र, तरीही काँग्रेस शहरांच्या नामांतराविरोधात ठाम आहे.
सविस्तर वाचा - सरकारी कामकाजात संभाजीनगर हा उल्लेख काँग्रेसला अमान्य; थोरातांनी पुन्हा ठणकावले
- मुंबई - चेंबूरमधील जनता मार्केट परिसरात रात्री आग लागली. रात्री साडेतीनच्या सुमारास लागलेल्या आगीत 8 ते 10 दुकाने जळून खाक झाली. आग लागल्याची माहिती मिळताच अग्निशामक दलाच्या 8 पेक्षा अधिक गाड्या घटनास्थळी पोहचल्या. त्यांनी प्रयत्न करून आग नियंत्रणात आणली.
सविस्तर वाचा - चेंबूर रेल्वे स्टेशनजवळील जनता मार्केटमध्ये आग
- नागपूर - जिल्ह्यातील कामठी येथे एका बंद घरात दोन सख्ख्या बहिणींचे कुजलेल्या अवस्थेतील मृतदेह आढळले. दाल ओळी नंबर २ येथील ही घटना असून दुर्गंधी आल्याने हा प्रकार लक्षात आला. कल्पना लवटे( वय 50) आणि पद्मा लवटे (वय 60) अशी मृत महिलांची नावे आहेत.
सविस्तर वाचा - बंद घरात आढळले दोन सख्ख्या बहिणींचे कुजलेले मृतदेह
- मुंबई - भाजपा आमदार प्रसाद लाड यांना मुंबई पोलिसांच्या आर्थिक गुन्हे शाखेकडून चौकशीसाठी नोटीस पाठवण्यात आलेली आहे. पंधरा दिवसांपूर्वी प्रसाद लाड यांना ही नोटीस पाठवण्यात आली आहे. 2009 मधील मुंबई महानगरपालिकेच्या आर्थिक गैरव्यवहारा संबंधात ही नोटीस बजावण्यात आल्याचे सांगण्यात येत आहे. यासंदर्भात 2014 मध्ये प्रसाद लाड यांच्यावर गुन्हाही दाखल झाला असल्याचे समोर येत आहे.
सविस्तर वाचा - आर्थिक गुन्हे शाखेची भाजपा आमदार प्रसाद लाड यांना नोटीस
- मुंबई - राहुल गांधी हे कमकुवत नेते आहेत’ असा प्रचार करूनही गांधी अजूनही उभे आहेत आणि मिळेल त्या मार्गाने वारंवार सरकारवर हल्ले करत आहेत. माध्यमांच्या मानेवर सुरे ठेऊन विरोधी पक्षाला कमकुवत केले जाईल. मात्र विरोधी पक्ष हा कधीतरी फिनिक्स पक्ष्याप्रमाणे राखतून उभा राहिल आणि तेव्हा दाणादाण उडेल. देशाचा इतिहास हेच सांगतो. राहुल गांधीचे भय दिल्लीतील सत्ताधाऱ्यांना वाटते लढणारा एकटा असला तरी हुकूमशहाला वाटते व हा एकटा योद्धा प्रामाणिक असेल तर भय शंभर पटीने वाढत जाते आणि राहुल गांधींचे भय त्या शंभर पटीतले आहे, अशा शब्दात शिवसेनेने मुखपत्र सामना मधून राहूल गांधीचे कौतुक करत केंद्रातील भाजप सरकारवर विरोधकांच्या गळे दाबण्याच्या प्रयत्नावरून कोरडे ओडले आहेत.
सविस्तर वाचा - तेव्हा दाणादाण उडेल.. राहुल गांधींचे कौतुक करत दिल्लीच्या हुकूमशहाला इशारा
- परभणी - विम्याचा लाभ घेण्यासाठी पोलिसानेच दोन खून केल्याचे उघडकीस आले आहे. नानलपेठ पोलिस ठाण्यातील तत्कालीन पोलिस कर्मचारी संतोष अंजीराम जाधव याने हे खून केले आहेत. यापूर्वीच्या खून प्रकरणात तो बडतर्फ झाला असून, न्यायालयीन कोठडीत आहे. त्याने मानवत रोडवर एका इसमाचा खून करून तो अपघात असल्याचे भासवले होते. तसेच त्या व्यक्तीचा वारस म्हणून विम्याचा लाभ उचलण्याचा प्रयत्न केला होता हे आता निष्पन्न झाले. पोलिसांनी या प्रकरणाचा छडा लावून त्याच्या साथीदारांनाही अटक केली आहे.
सविस्तर वाचा - परभणीत रक्षकच बनला भक्षक, विम्याच्या लाभासाठी पोलिसानेच केले दोन खून
- मुंबई - बिल्डरांना प्रीमियममध्ये 50 टक्के सूट देण्याचा निर्णय मंत्रिमंडळ बैठकीत ठाकरे सरकारने घेतला आहे. मात्र यावरुन अतुल भातखळकर यांनी सरकरवर जोरदार टीका केली आहे. सर्वसामान्य मुंबईकरांच्या घरांना मालमत्ता करात सूट देण्याच्या आश्वासनावरून घुमजाव करणाऱ्या मात्र बिल्डरांची 'अर्थपूर्ण मर्जी' सांभाळण्यासाठी प्रीमियम मध्ये 50 टक्के सूट देणाऱ्या ठाकरे सरकारच्या विरोधात मोठे जनआंदोलन उभारणार असे, अतुल भातखळकर यांनी म्हटले आहे.
सविस्तर वाचा - ...म्हणून ठाकरे सरकारविरोधात जनआंदोलन उभारणार - अतुल भातखळकर
- वॉशिंग्टन डी. सी - अमेरिकेच्या संसदेत सत्तांतराची प्रक्रिया सुरू झाल्यानंतर इतिहासात पहिल्यांदाच गोंधळाची स्थिती निर्माण झाली आहे. राष्ट्राध्यक्ष डोनाल्ड ट्रम्प यांचे समर्थक आणि पोलिसांमध्ये संसदेबाहेर संघर्ष उफळला आहे. नुकत्याच पार पडलेल्या निवडणुकांना कायदेशीर मान्यता देण्यासाठी संसदेचे संयुक्त अधिवेशन बुधवारी बोलविण्यात आले होते. मात्र, यावेळी ट्रम्प समर्थकांनी संसदेबाहेर (यूएस कॅपिटॉल हील) राडा घातला. संसदेत घुसण्याचा प्रयत्न आंदोलकांकडून करण्यात आला. मात्र, पोलिसांनी त्यांना बळाचा वापर करून रोखले.
सविस्तर वाचा - US Capitol clash: अमेरिकेच्या संसदेबाहेर ट्रम्प समर्थकांचा राडा
- अहमदनगर - राष्ट्रवादी काँग्रेसच्या कार्यकर्त्या रेखा जरे हत्याकांडातील मुख्य संशयित पत्रकार बाळ बोठे अद्याप फरार आहे. त्याच्याविरुद्ध स्टॅंडिंग वॉरंट जारी झाले आहे. पारनेर न्यायालयाने पोलिसांनी दाखल केलेल्या स्टँडिंग वॉरंट अर्जावर काल (बुधवारी) निर्णय दिला. प्रथम वर्ग न्यायदंडाधिकारी उमा बोराटे यांनी हा निर्णय दिला आहे, अशी माहिती पोलीस उपअधीक्षक अजित पाटील यांनी दिली.
सविस्तर वाचा - रेखा जरे हत्याकांड : पारनेर कोर्टाकडून बाळ बोठेविरूद्ध स्टॅंडिंग वॉरंट जारी
- मुंबई - मराठी मतदारांबरोबर गुजराती मतदारांना आपल्याकडे वळवण्यासाठी शिवसेना सज्ज झाली आहे. मुंबईतील गुजराती मतदारांना आकर्षित करण्यासाठी आगळी-वेगळी मोहीम हाती घेतली आहे. त्यांनी 'मुंबई मा जलेबी ना फाफडा, उद्धव ठाकरे आपडा’ या मथळ्याखाली मतदार मेळावे घेण्याचे ठरवले आहे. याबाबत गुजराती माणसाला काय वाटतं? हे जाणून घेण्यासाठी इटीव्ही भारताचा विशेष रिपोर्ट..
सविस्तर वाचा - 'मुंबई मा जलेबी ना फाफडा, उद्धव ठाकरे आपडा’ शिवसेनेच्या मोहिमेला गुतरातींच्या समिश्र प्रतिक्रिया
