नवी दिल्ली - दरवर्षी जगभरात १८ एप्रिल हा दिवस जागतिक वारसा दिन म्हणून साजरा केला जातो. स्मारके आणि स्थळांसाठीचा आंतरराष्ट्रीय दिवस. जगभरात हा दिवस स्मारके आणि वारसा स्थळांना भेटी, परिषदा, गोल टेबल आणि वर्तमानपत्रातील लेखांसह वेगळ्या पद्धतीने साजरा केला जातो. ( World Heritage Day 2022 Theme ) हा दिवस साजरा करण्यामागचा उद्देश ग्रहावरील सांस्कृतिक वारसा आणि विविधतेबद्दल जागरूकता सर्वत्र पोहचवणे हे आहे. दरम्यान, जागतिक वारसा दिन (2022)ची थीम "वारसा आणि हवामान" ही आहे.
जागतिक वारसा दिवस 2022 थीम - (1983)पासून, स्मारके आणि साइट्सवरील आंतरराष्ट्रीय परिषदेने एक थीम सेट केली आहे. ज्यामध्ये या दिवशी त्यासंबंधी कार्यक्रमाचे आयोजन केले जाते. दरम्यान, संस्थेने भागीदारांना हवामान बदलाशी लढण्यासाठी हा वारसा ज्ञानाचा स्रोत कसा असू शकतो, याबाबत माहिती देण्याचे उपक्रम दर्शविण्यासाठी प्रोत्साहित केले आहे. (ICOMOS)च्या मते, या वर्षी चर्चा आणि कार्यक्रमांसाठी सुचविलेल्या विषयांमध्ये आपत्ती जोखीम (हवामान-प्रेरित, मानव-प्रेरित), स्थानिक वारसा, संघर्षातील वारसा, वारसा आणि लोकशाही, स्वदेशी वारसा, पवित्र जागा किंवा पवित्र वारसा यांचा समावेश आहे.
भारतातील जागतिक वारसा स्थळे - भारतात एकूण (३६९१)स्मारके आणि स्थळे आहेत. यापैकी (40 UNESCO)जागतिक वारसा स्थळे म्हणून नियुक्त आहेत, ज्यामध्ये ताजमहाल, अजिंठा लेणी आणि एलोरा लेणी यांसारख्या ठिकाणांचा समावेश आहे. ( What Is The Theme Of 2022? ) जागतिक वारसा स्थळांमध्ये आसाममधील काझीरंगा राष्ट्रीय उद्यानासारख्या नैसर्गिक स्थळांचाही समावेश आहे.
एकात्मता, सद्भावना जोपासायला हवी - वारसा वास्तू म्हणजे आमच्या अनामिक पूर्वजांनी आपले सर्वस्व वेचून निर्माण केलेली अजरामर कलाकृती आहे. भूलोकीचा स्वर्ग ठरलेली ही कलाकृती म्हणजे फक्त ऐतिहासिक, सांस्कृतिक, धार्मिक कलाकृतीचा आविष्कार नव्हे, तर त्याच्या अस्तित्वाने राष्ट्रीयच नव्हे तर आंतरराष्ट्रीय एकात्मता, सद्भावना जोपासायला त्याचे अस्तित्व आधारभूत ठरेल. दरवर्षी १८ एप्रिल रोजी जागतिक वारसा दिन साजरा करण्यापाठीमागे हेच अभिप्रेत आहे.
हजारो वर्षांची पुरातन मंदिर - प्रत्येक देशाला नैसर्गिक रचनेनुसार जसा भूगोल आहे तसाच इतिहासही आहे. त्या जोडीला धार्मिक अधिष्ठान असलेली संस्कृती आहे. त्या संस्कृतीच्या ज्या पाऊलखुणा उमटल्या आहेत. त्याच्या संवर्धनासाठी जो इतिहास घडला त्याच्या साक्षीदार ठरलेले जे मापदंड आजही अस्तित्वात आहेत तो म्हणजे त्या त्या राष्ट्राचा अनमोल ठेवा तथा ऐतिहासिक वारसा म्हणून मान्यता पावलाय. यामध्ये हजारो वर्षांची पुरातन मंदिर वास्तू, स्तंभ, पुतळे, मनोरे, कमानी, गडकिल्ले यांच्याबरोबरीनी प्रसंगानुरूप उभारलेल्या अलौकिक वास्तूही आहेत.
हेही वाचा - Today Gold Price In Mumbai : लग्नसराई! समोन्याच्या भावात वाढ; वाचा काय आहेत दर
