बँकाक - चीनने पुन्हा एकदा कुरापत समोर आली आहे. चीनचे समर्थन असलेल्या ग्रुपकडून भारतीय माध्यम, पोलीस विभाग आणि नागरिकांच्या ओळखपत्रांची माहिती असलेल्या आधार संस्थेच्या डाटाबेसवर हल्ला झाल्याचा दावा अमेरिकेच्या खासगी सायबर सुरक्षा कंपनीने केला आहे.
एमआयटीमधील इनसिक्ट ग्रुपकडून सायबर हल्ल्यांबाबत संशोधन केले जाते. या इनसिक्ट ग्रुपच्या माहितीनुसार टीएजी-28 असे तात्पुरते नाव असलेल्या हॅकिंग ग्रुपने विन्नती मालवेअर तयार केले. हे मालवेअर चीन सरकारचे समर्थन असलेल्या विविध अॅक्टिव्हिटी ग्रुपमध्ये शेअर करण्यात आले. याबाबतचे आरोप चीनच्या यंत्रणेने वारंवार फेटाळले आहेत. चीनच हे सायबर हल्लेखोरांचे मोठे लक्ष्य ठरल्याचा दावा चीनच्या सरकारी यंत्रणेने केला आहे.
हेही वाचा-VIDEO धक्कादायक! साडी घातल्याने दिल्लीतील रेस्टॉरंटने महिलेला नाकारला प्रवेश
हेही वाचा-भारताने गाठला मैलाचा दगड: देशातील 83 कोटींहून अधिक नागरिकांचे लसीकरण पूर्ण
या भारतीय संस्थांवर झाला सायबर हल्ला
- इनसिक्ट ग्रुपच्या माहितीनुसार देशातील एका आघाडीच्या माध्यमातील चार आयपी अॅड्रेस असलेल्या सिस्टिमवर सायबर हल्ले करण्यात आले. हे हल्ले फेब्रुवारी ते ऑगस्टदरम्यान विन्नती सर्व्हरवर करण्यात आले. त्यावेळी 500 मेगाबाईटचा डाटा हा मुंबईमधील माध्यम कंपनीमधून घेण्यात आल्याचे इनसिक्ट ग्रुपने म्हटले आहे.
- आधार संस्थेवरही हल्ला झाल्याचे संशोधक ग्रुपने म्हटले आहे. 10 मेगाबाईटचा डाटा आधारच्या नेटवर्कवरून डाऊनलोड झाला आहे. तर 30 मेगाबाईटचा डाटा अपलोड झाला आहे. नेटवर्कच्या पायाभूत सुविधांमध्ये मॅलिसियस टूल टाकण्यात आल्याचा संशयही या संशोधक ग्रुपने व्यक्त केला आहे.
- भारत-चीनमध्ये जून 2020 दरम्यान तणावाची स्थिती होती. त्यावेळी मध्य प्रदेशचे मुख्यमंत्री शिवराजसिंह चौहान यांनी चीनच्या वस्तुंवर बहिष्कार टाकण्याचे आवाहन केले होते. त्यावेळी मध्य प्रदेश पोलिसांकडील 5 मेगाबाईटचा डाटा वळविण्यात आल्याचे इनसिक्ट ग्रुपने म्हटले आहे.
हेही वाचा-वीज पुरवठा खंडित करण्यासाठी सायबर अटॅक? जाणून घ्या काय आहे सत्य
भारतामधील संस्थांवर सायबर हल्ला झाल्याचे दाव्यानंतर भारतीय उपखंडांमधील दोन्ही बलाढ्य देशांमध्ये तणाव वाढण्याची शक्यता आहे. यापूर्वीच भारत आणि चीनमध्ये सीमारेषेवरून तणावाची स्थिती राहिली आहे. सीमेवरील तणावामुळे हे सायबर हल्ले झाले असावेत, असा इनसिक्ट ग्रुपने अंदाज व्यक्त केला आहे. फ्युचर डाटाच्या आकडेवारीनुसार ऑगस्ट 2021 च्या सुरुवातीला चीनचे समर्थन असलेल्या ग्रुपकडून भारतीय संस्था आणि कंपन्यांवरील हल्ल्यांमध्ये 261 टक्क्यांचे प्रमाण वाढले आहे.
मुंबईमधील वीजपुरवठा बंद पडण्यामागे चीनमधील हॅकर असल्याचे समोर आले होते. रशिया आणि चीनशी संबंधित असलेल्या हॅकरने फेब्रुवारी 2021 मध्ये कोरोना लशीचे उत्पादन करणाऱ्या सीरम इन्स्टिट्यूट आणि भारत बायोटेकला लक्ष्य केले होते. ही माहिती सायबर गुप्तचर संघटना सायफर्मा कंपनीने अहवालात दिली आहे.
मुंबईमधील वीज जाण्यामागेही सायबर हल्लेखोरांवर संशय-
12 ऑक्टोबर 2020 यादिवशी लॉकडाऊनच्या काळात मुंबईत अचानक वीज गेल्याने सगळ्यांची तारांबळ उडाली होती. मात्र, या ब्लॅक आउटमागे विशेष सायबर हल्ला झाल्याची शक्यता गृहमंत्री अनिल देशमुख यांनी वर्तवली होती. अमेरिकेच्या रेकॉर्डड फिचर अ‌ॅनॅलिसिस कंपनीचा अहवालानुसार, मुंबईत ब्लॅक आऊटमागे चीनचा संबंध असल्याची शक्यता वर्तवण्यात आली होती.
