लखनौ : 2024 च्या लोकसभा निवडणुकीसाठी विरोधकांसोबतच आता सत्ताधारी एनडीएनेही आपली आघाडी मजबूत करण्यास सुरुवात केली आहे. त्याच पार्श्वभूमीवर आता उत्तर प्रदेशातील सुहेलदेव भारतीय समाज पक्षाने एनडीएमध्ये प्रवेश केला आहे. पक्षाचे अध्यक्ष आणि माजी मंत्री ओमप्रकाश राजभर यांनी केंद्रीय गृहमंत्री अमित शाह यांची दिल्लीत भेट घेतली. यानंतर ते राष्ट्रीय लोकशाही आघाडीत (एनडीए) सामील झाले.
-
श्री @oprajbhar जी से दिल्ली में भेंट हुई और उन्होंने प्रधानमंत्री श्री @narendramodi जी के नेतृत्व वाले NDA गठबंधन में आने का निर्णय लिया। मैं उनका NDA परिवार में स्वागत करता हूँ।
— Amit Shah (@AmitShah) July 16, 2023 " class="align-text-top noRightClick twitterSection" data="
राजभर जी के आने से उत्तर प्रदेश में एनडीए को मजबूती मिलेगी और मोदी जी के नेतृत्व में एनडीए द्वारा… pic.twitter.com/uLnbgJedbF
">श्री @oprajbhar जी से दिल्ली में भेंट हुई और उन्होंने प्रधानमंत्री श्री @narendramodi जी के नेतृत्व वाले NDA गठबंधन में आने का निर्णय लिया। मैं उनका NDA परिवार में स्वागत करता हूँ।
— Amit Shah (@AmitShah) July 16, 2023
राजभर जी के आने से उत्तर प्रदेश में एनडीए को मजबूती मिलेगी और मोदी जी के नेतृत्व में एनडीए द्वारा… pic.twitter.com/uLnbgJedbFश्री @oprajbhar जी से दिल्ली में भेंट हुई और उन्होंने प्रधानमंत्री श्री @narendramodi जी के नेतृत्व वाले NDA गठबंधन में आने का निर्णय लिया। मैं उनका NDA परिवार में स्वागत करता हूँ।
— Amit Shah (@AmitShah) July 16, 2023
राजभर जी के आने से उत्तर प्रदेश में एनडीए को मजबूती मिलेगी और मोदी जी के नेतृत्व में एनडीए द्वारा… pic.twitter.com/uLnbgJedbF
अमित शाहंचे ट्विट : केंद्रीय गृहमंत्री अमित शाह यांनी ओमप्रकाश राजभर आणि त्यांचा मुलगा अरविंद राजभर यांचे एनडीएमध्ये स्वागत केले. ओम प्रकाश राजभर यांनी पंतप्रधान नरेंद्र मोदी यांच्या नेतृत्वाखालील एनडीए आघाडीत सामील होण्याचा निर्णय घेतल्याचे अमित शाह यांनी ट्विट केले. 'एनडीए परिवारात मी त्यांचे स्वागत करतो. राजभर यांच्या येण्याने उत्तर प्रदेशात एनडीए मजबूत होईल. तसेच गरीब आणि दलितांच्या कल्याणासाठी सुरू असलेल्या प्रयत्नांना आणखी बळ मिळेल', असे अमित शाह म्हणाले.
2022 मध्ये एनडीएतून बाहेर पडले होते : विशेष म्हणजे, पूर्व उत्तर प्रदेशच्या अनेक जिल्ह्यांमध्ये राजभर समाजाची संख्या मोठी आहे. या समाजात ओमप्रकाश राजभर यांची चांगली पकड आहे. यामुळे 2017 च्या विधानसभा निवडणुकीत भारतीय जनता पक्षाने ओमप्रकाश राजभर यांच्या पक्षासोबत युती केली होती. त्यानंतर त्यांना सरकारमध्ये कॅबिनेट मंत्रीही करण्यात आले. मात्र काही कारणाने त्यांना मंत्रिमंडळातून बाहेरचा रस्ता दाखवण्यात आला. यानंतर 2022 च्या विधानसभा निवडणुकीत ओमप्रकाश राजभर समाजवादी पक्षासोबत निवडणुकीच्या रिंगणात उतरले. मात्र, समाजवादी पक्षाला बहुमत मिळू शकले नाही. आता ते पुन्हा एकदा भाजपच्या नेतृत्वाखालील एनडीएमध्ये सामील झाले आहेत.
लोकसभा निवडणूक एकत्र लढणार : गेल्या अनेक महिन्यांपासून ओमप्रकाश राजभर यांची भाजपशी जवळीक वाढताना दिसत होती. उत्तर प्रदेशचे उपमुख्यमंत्री ब्रिजेश पाठक हे ओमप्रकाश राजभर यांना सोबत आणण्याचा प्रयत्न करत होते. विधान परिषदेच्या निवडणुकीतही राजभर यांनी भाजपला पाठिंबा दिला होता. यानंतर ते ब्रिजेश पाठकसोबत दिसले होते. त्याचवेळी ओमप्रकाश राजभर यांचा मुलगा अरुण राजभर यांच्या लग्नात भाजपचे सर्व बडे नेते सहभागी झाले होते. यानंतर 2024 च्या निवडणुकीत राजभर हे भारतीय जनता पक्षासोबत निवडणूक लढवणार अशा चर्चा सुरू झाल्या होत्या.
योगी सरकारमध्ये मंत्रीपद मिळणार : एनडीएसोबत युती केल्यानंतर आता ओमप्रकाश राजभर हे येत्या काही दिवसात योगी सरकारच्या मंत्रीमंडळात प्रवेश करणार असल्याचा दावा सूत्रांनी केला आहे. कॅबिनेट मंत्रिपदासह त्यांना काही महत्त्वाचे खातेही दिले जाणार आहे. लोकसभा निवडणुकीत भाजप ओमप्रकाश राजभर यांना खासदारकीची जागा देईल, तर घोसी विधानसभा जागेवर होणाऱ्या पोटनिवडणुकीत त्यांच्या मुलाला युतीसोबत उतरवले जाईल, असा दावा सूत्रांनी केला आहे.
हेही वाचा :
