हैदराबाद - वय ६२. मधुमेहाने त्रस्त. मूत्रपिंडाचे कार्य सुधारण्यासाठी डायलिसिस करण्यात आले. यकृत प्रत्यारोपणही करण्यात आले. अशा परिस्थितीत एखाद्याच्या मनाची स्थिती काय असेल? मात्र अशातही आंध्र प्रदेशच्या विशाखापट्टणम येथील पीव्ही रमणय्या (PV Ramanaiah from Visakhapatnam) यांनी आंतरराष्ट्रीय स्तरावरील टेनिस स्पर्धांमध्ये भाग घेण्याचे ठरवले! त्यासाठी त्यांनी सराव आणि प्रशिक्षण घेतले व शारीरिक ताकद मिळवली. ते आता इंटरनॅशनल ट्रान्सप्लांट गेम्स फेडरेशन (WTGF)-2023 मध्ये आपली ताकद दाखवण्यासाठी सज्ज आहेत. ऑस्ट्रेलियातील पर्थ येथे होणाऱ्या वर्ल्ड ट्रान्सप्लांट गेम्समध्ये टेनिस खेळण्यासाठी निवड झालेले ते पहिला भारतीय खेळाडू आहेत. (Sixty year old athlete after liver transplant)
फुटबॉल खेळाडू होते - रमणय्या यांना लहानपणापासूनच खेळाची आवड होती. ते सिकंदराबाद रेल्वे झोनचे कर्मचारी म्हणून क्रीडा कोट्यात रुजू झाले आणि त्या विभागाच्या वतीने अनेक फुटबॉल स्पर्धांमध्ये भाग घेतला. नेपाळ येथे झालेल्या कनिष्ठ आशियाई युवा फुटबॉल स्पर्धेत त्यांनी देशाचे प्रतिनिधित्व केले आहे. मात्र निवृत्तीनंतर रमणय्या यांना आजारपणाने पछाडले. 2017 मध्ये, डॉक्टरांनी त्यांचे हैदराबादच्या ग्लोबल हॉस्पिटलमध्ये यकृत प्रत्यारोपण केले आणि त्यांना एकप्रकारे पुनर्जन्म दिला. किडनीचे कार्य सुधारण्यासाठी त्यांचे डायलिसिसही करण्यात आले. बरे झाल्यानंतर डॉक्टरांच्या सूचना आणि सल्ल्याने काही महिन्यांतच रामनय्या पुन्हा सक्रिय झाले. आणि पूर्वीप्रमाणे खेळात भाग घेऊ लागले.
ORGAN द्वारा आयोजित स्पर्धेसाठी निवड - वर्ल्ड ट्रान्सप्लांट गेम्स फेडरेशन ही एक ना-नफा संस्था आहे. या संस्थेद्वारे अवयव प्रत्यारोपणाबाबत लोकांमध्ये जागरूकता निर्माण करण्यासाठी खेळांचे आयोजन केले जाते. या मध्ये अवयव दाता आणि प्राप्तकर्त्यांचा समावेश असतो. ऑर्गन रिसीव्हिंग अँड गिव्हिंग अवेअरनेस नेटवर्क (ORGAN) आपल्या देशातून खेळू इच्छिणाऱ्या खेळाडूंची निवड करते. या संस्थेने आयोजित केलेल्या ५ दिवसीय शिबिरात सहभागी होऊन रमणय्या यांनी आपली क्षमता दाखवून दिली. समितीने ते शारीरिकदृष्ट्या तंदुरुस्त असल्याची पुष्टी केली आणि 15 ते 21 एप्रिल 2023 दरम्यान होणाऱ्या स्पर्धेसाठी त्यांची निवड केली.
रमणय्या यांचा अभिमान - यावेळी बोलताना रमणय्या म्हणाले की, डॉक्टरांनी यकृत प्रत्यारोपणाने त्यांना पुनर्जन्म दिला. त्यानंतर त्यांच्यात काहीतरी साध्य करण्याची इच्छा वाढली. ग्लेनेगल्स ग्लोबल हॉस्पिटल क्लस्टरचे सीईओ डॉ. रियाझ खान म्हणाले, "यकृत प्रत्यारोपणानंतर रामनय्या आंतरराष्ट्रीय क्रीडा संमेलनात देशाचे प्रतिनिधित्व करत आहेत याचा खूप अभिमान आहे".
