श्रीनगर - जम्मू काश्मीरच्या शोपियामध्ये रविवारी मध्यरात्री नंतर सुरक्षारक्षक आणि दहशतवाद्यामध्ये चकमक सुरू झाली. या चकमकीत ४ दहशतवाद्यांचा खात्मा करण्यास सुरक्षा दलाच्या जवानांना यश आले आहे. शोपियामधील मुनिहाल भागात आज सकाळच्या सुमारास त्यांचा खात्मा करण्यात आला.
जम्मू-कश्मीरच्या शोपियांमधील मुनिहाल परिसरात सुरक्षा रक्षकांनी शोध मोहीम सुरू केली होती. त्यावेळी ही चकमक सुरू झाली आहे. या चकमकीत ठार झालेल्या चार दहशतवाद्यांपैकी दोन जन लष्कर-ए-तोयबा या संघटनेचे असल्याची माहिती सूत्रांनी दिली. या चकमकी दरम्यान सुरक्षा दलातील एक जवान जखमी झाला आहे.
शोपियामध्ये चकमक
चकमकीच्या ठिकाणी आणखी एक दहशतवादी असल्याची माहिती आहे. सुरक्षा रक्षकांकडून अद्याप कारवाई सुरू आहे. या पार्श्वभूमीवर शहरातील इंटरनेट सेवा बंद ठेवण्यात आली आहे.
