लातेहार : झारखंड राज्यातील लातेहारमध्ये नक्षलवाद्यांविरोधात मोठी कारवाई करण्यात आली आहे. एसपी अंजनी अंजन यांच्या नेतृत्वाखाली पोलीस दलाने बुधा पहाड परिसरात नक्षलवाद्यांना कंठस्नान घातले आहे. पोलिसांनी नक्षलवाद्यांनी लपवून ठेवलेली स्फोटके आणि इतर वस्तूंचा मोठा साठा जप्त करून नष्ट केला (Huge quantity of explosives from Budha Pahar) आहे. बुधा पहाड परिसरात नक्षलवाद्यांवर सुरू असलेल्या कारवाईमुळे नक्षलवाद्यांना धक्का बसला आहे.
नक्षलद्यांकडून स्फोटके जप्त - बुधा पहाडच्या जोकपाणी भागात नक्षलवाद्यांनी मोठ्या प्रमाणात स्फोटके आणि शस्त्रे लपवून ठेवल्याची गुप्त माहिती एसपी अंजनी अंजन यांना मिळाली होती. या माहितीवरून जिल्हा पोलीस, सीआरपीएफ आणि कोब्रा बटालियनने संयुक्तपणे छापा टाकला. यावेळी सुरक्षा दलांनी 120 टिफिन बॉम्ब, एक आयडी बॉम्ब, मोठ्या प्रमाणात नक्षलवादी बॅनर, कोडेक्स वायर आणि बुधा पहाडवर लपवून ठेवलेले इतर सामान जप्त केले आहे.
पोलिसांविरूद्ध कट रचण्याचा प्रयत्न - बुधा पहाडच्या पायथ्याशी पोलीस छावणी उभारण्यात येत असल्याचे सांगण्यात येत आहे. पोलिसांचा हा प्रयत्न हाणून पाडण्यासाठी नक्षलवादी विध्वंसक घटना घडवून आणण्याच्या तयारीत होते. मात्र एसपी अंजनी अंजन यांना मिळालेल्या गुप्त माहितीवरून पोलीस आणि सुरक्षा दलाकडून करण्यात येत असलेल्या चोख कारवाईमुळे नक्षलवाद्यांचे कंबरडे मोडत आहे.
छापेमारीत या अधिकाऱ्यांचा समावेश - कोब्रा बटालियनचे 2 आयसी, सीआरपीएफचे 2 आयसी, एसी महेश चंद्र, हर्ष गौतम, संजय चौधरी, डीएसपी अरविंद कुमार, उपनिरीक्षक गौतम कुमार, विवेक पंडित, दिवाकर धोबी आणि इतर लोकांची भूमिका कौतुकास्पद होती. नक्षलवाद्यांविरोधात पोलिसांच्या या कारवाईमुळे नक्षलवाद्यांचे मोठे नुकसान झाले आहे.
