किव्ह - रशिया आणि युक्रेनमधील युद्धाचा आज ३६ वा दिवस आहे. यामध्ये दोन्ही देशांमध्ये शांतता चर्चा झाली असली तरी अनेक देशांचा रशियावर विश्वास नाही. दरम्यान, युक्रेनच्या लष्कराने सांगितले की, रशियन सैन्याने आपल्या देशाच्या पूर्व भागात आपल्या हालचाली तीव्र केल्या आहेत. (russian president vladimir putin) युक्रेनच्या अधिकाऱ्यांनी सांगितले, की रशियाने खार्किवच्या दक्षिणेकडील इझुमजवळ आपल्या लष्करी हालचाली वाढवल्या आहेत. रशियन सैन्याने पूर्व डोन्स्क भागात बॉम्बफेक आणि हल्ले तीव्र केले आहेत. असही सांगण्यात आले आहे.
युद्धाची व्याप्ती वाढू शकते - युद्धाच्या दरम्यान, युक्रेनचे अध्यक्ष वोलोडिमिर झेलेन्स्की यांनी नॉर्वेच्या संसदेला संबोधित करताना म्हटले, की रशियाला युरोपचा पाया नष्ट करायचा आहे. येथे, झेलेन्स्की यांनी युक्रेनला लष्करी लढाऊ विमाने उपलब्ध करून देण्याची विनंती बायडेन प्रशासन आणि इतर पाश्चात्य देशांना केली आहे. (Russia-Ukraine War 36th Day) तथापि, यूएस आणि इतर उत्तर अटलांटिक ट्रीटी ऑर्गनायझेशन (NATO) देश अजूनही त्या विनंतीला स्वीकारण्यास तयार नाहीत. कारण यामुळे युद्धाची व्याप्ती वाढू शकते.
युक्रेनच्या संसद सदस्यांना संबोधित केले - नॉर्वेच्या 169 सदस्यीय संसद स्टॉर्टिनजेट संबोधित करताना झेलेन्स्की यांनी बुधवारी सांगितले, की युरोपचे भविष्य आता निश्चित केले जात आहे. युक्रेनमधील रशियन लष्करी हालचालींबद्दल बोलताना झेलेन्स्की म्हणाले, की येथे रशियासाठी कोणतेही प्रतिबंधित लक्ष्य नाहीत. झेलेन्स्की यांनी युक्रेनच्या संसद सदस्यांना संबोधित केले. याआधी त्यांनी अमेरिका, यूके, स्वीडन, जर्मनी, कॅनडा, इस्रायल, जपान आणि युरोपियन युनियनला संबोधित केले आहे.
रूस के साथ सहयोग की कोई सीमा नहीं: चीन - युक्रेन युद्धादरम्यान बीजिंगला भेट देणारे रशियाचे परराष्ट्र मंत्री सर्गेई लावरोव्हचे यजमानपद भूषवत चीनने बुधवारी सांगितले की दोन्ही मित्र राष्ट्रांमधील सहकार्याला कोणतीही सीमा नाही. रशियाची सरकारी वृत्तसंस्था 'टास'च्या वृत्तानुसार, अफगाणिस्तानवरील परराष्ट्र मंत्र्यांच्या तिसर्‍या बैठकीसाठी लावरोव पूर्व चीनच्या अनहुई प्रांतातील तुन्शी येथे पोहोचले.
प्रतिकार करण्यासाठी आम्हाला कोणतीही मर्यादा नाही - चीन-रशिया संबंधांच्या सीमांबाबत विचारले असता, परराष्ट्र मंत्रालयाचे प्रवक्ते वांग वेनबिन यांनी येथे एका मीडिया ब्रीफिंगमध्ये सांगितले की, चीन-रशिया सहकार्याला कोणतीही मर्यादा नाही, आमच्यासाठी शांततेसाठी प्रयत्न करण्याची कोणतीही मर्यादा नाही." सुरक्षा आणि वर्चस्वाचा प्रतिकार करण्यासाठी आम्हाला कोणतीही मर्यादा नाही. इस्तंबूल, तुर्की येथे रशिया आणि युक्रेन यांच्यात नुकत्याच झालेल्या चर्चेच्या फेरीवर भाष्य केले.
संकट सोडवण्यासाठी संवाद हाच एकमेव योग्य मार्ग - जर्मनीचे सुरक्षा आणि परराष्ट्र धोरण सल्लागार जेन्स प्लुटनर यांनी बुधवारी सांगितले की, युक्रेनवर सुरू असलेले रशियाचे आक्रमण थांबवले नाही तर त्याचे जगासाठी घातक परिणाम होऊ शकतात. प्लुटनर यांनी असेही म्हटले की, जर्मनीला नवी दिल्लीतील अडथळे आणि आव्हानांचा सामना करावा लागतो. ते म्हणाले की, युरोपला युक्रेन संकटाबाबत देशाला संबोधित किंवा काही शिकवण्याची गरज नाही. दरम्यान, युक्रेनवरील हे संकट सोडवण्यासाठी संवाद हाच एकमेव योग्य मार्ग आहे. आणि यावर आमचा नेहमीच विश्वास आहे, असे ते म्हणाले.
चर्चा करण्यापूर्वी जर्मन अधिकाऱ्याने माध्यमांशी संवाद - रशियाने युक्रेनवर केलेल्या हल्ल्याचे भू-राजकीय परिणाम जगाने समजून घेतले पाहिजेत. हे जर थांबवले नाही तर जगावर त्याचे मोठे परिणाम होतील. असेही ते म्हणाले आहेत. राष्ट्रीय सुरक्षा सल्लागार अजित डोवाल, परराष्ट्र मंत्री एस जयशंकर आणि परराष्ट्र सचिव हर्षवर्धन श्रृंगला यांच्याशी चर्चा करण्यापूर्वी जर्मन अधिकाऱ्याने माध्यमांशी संवाद साधताना त्यावेळी त्यांनी ही टिप्पणी केली.
हेही वाचा - Protest Against Fuel Price: इंधन दरवाढीविरोधात राहुल गांधींसह काँग्रेस नेत्यांची निदर्शने
