भोपाळ : मध्यप्रदेशात पुढील वर्षी होणाऱ्या विधानसभा निवडणुकीच्या दृष्टीने राष्ट्रीय स्वयंसेवक संघाने आपली तयारी सुरु केली आहे. (RSS MP election preparation). संघाने निवडणुकीच्या मैदानात आपली सक्रियता वाढवली आहे. या अनुषंगाने रविवारी भोपाळमध्ये संघाचे मोठे शक्तीप्रदर्शन होणार असून, त्यात राष्ट्रीय स्वयंसेवक संघाचे सरकार्यवाह दत्तात्रेय होसबळे (Dattatreya Hosabale) यांच्यासह संघाचे अनेक पदाधिकारी सहभागी होणार आहेत. (Dattatreya Hosabale visit bhopal)
लाल परेड मैदानावर संघाचे शक्तीप्रदर्शन : भोपाळच्या लाल परेड मैदानावर रविवारी संघाचा मोठा कार्यक्रम आयोजित करण्यात आला आहे. या कार्यक्रमात भोपाळ विभागातील 3 हजारांहून अधिक स्वयंसेवक सहभागी होणार आहेत. संघाच्या सरकार्यवाहाचा कार्यक्रम लक्षात घेऊन संघासाठी पूर्णपणे समर्पित स्वयंसेवकांची टीम तयार करण्यात येत आहे. या कार्यक्रमात युवक संघाच्या शक्तीचे प्रदर्शन करतील. यासाठी संघ सातत्याने झोपडपट्ट्यांमध्ये संघ स्वयंसेवकांची टीम तयार करत होता आणि या तरुणांना शिक्षा प्रात्यक्षिकाचे प्रशिक्षण दिले जात होते.
सहयोगी संघटना आणि भाजप नेत्यांसोबत बैठकी : सरकार्यवाह दत्तात्रेय होसबळे हे 3 दिवसांच्या या दौऱ्यात भोपाळमध्ये भाजप आणि संघाशी संबंधित इतर संघटनांसोबत समन्वय बैठक घेणार आहेत. यामध्ये सत्तेसोबत समन्वयावरही चर्चा होणार आहे. होसबळे भाजपच्या काही नेत्यांना स्वतंत्रपणे देखील भेटू शकतात.
2023 च्या निवडणुकीच्या तयारीत संघ : होसबळे यांचा हा दौरा अत्यंत महत्त्वाचा मानला जात आहे. सूत्रांनी दिलेल्या माहितीनुसार, सरकार्यवाह संघाच्या 2 डझनहून अधिक सहायक संघटनांच्या प्रमुखांसोबत समन्वय बैठका घेणार आहेत. यामध्ये भाजपचे प्रमुख संघटना नेतेही सहभागी होणार आहेत. यासोबतच 2023 मध्ये होणाऱ्या विधानसभा निवडणुकीच्या तयारीचा भाग म्हणून संघ आणि भाजपची समन्वय बैठकही घेतली जाणार आहे.
संघाचा फोकस आदिवासी व दलित वर्ग : आदिवासींनी 2018 मध्ये भाजपला साथ दिली नव्हती. तर दलितही भाजपवर नाराज होते. आता पुन्हा त्यांची मने कशी जिंकायची, यावर समन्वय बैठकीत चर्चा होणार आहे. या बैठकीत भाजपला कोणत्या क्षेत्रात अधिक काम करण्याची गरज आहे, याबाबत संघाकडून अभिप्राय दिला जाणार असल्याचे मानले जात आहे. सूत्रांचे म्हणणे आहे की, दत्तात्रेय होसबळे हे मध्य प्रदेशातील 2023 च्या निवडणुकीच्या अजेंड्यावर सत्ता आणि संघटनेच्या पदाधिकाऱ्यांशी चर्चा करतील. यामध्ये कट्टर हिंदुत्व, समान नागरी संहिता आणि लोकसंख्या नियंत्रण हे महत्त्वाचे मुद्दे असतील.
