उधमपूर ( जम्मू-काश्मीर) - भारतातील सर्वात मोठे आंतरराष्ट्रीय योग केंद्र जम्मू-काश्मीरमध्ये बांधले जात आहे. जम्मू-काश्मीरमधील उधमपूरच्या चेनानी तहसीलमधील मंतलाई गावात हे योग केंद्र बांधले जात आहे. मंतलाई हे गाव हिमालयाच्या कुशीत सालच्या जंगलात वसलेले आहे. तवी नदीच्या काठावर वसलेले हे गाव मैदानी आणि डोंगराच्या मध्ये वसलेले आहे.
अर्थव्यवस्थेला चालना मिळणार - उधमपूरच्या उपायुक्त कृतिका ज्योत्सना यांनी सांगितले की, या सर्वात मोठ्या योग केंद्र प्रकल्पाचे बांधकाम जवळपास 98% पूर्ण झाले आहे. या केंद्राच्या निर्मितीमुळे पर्यटन आणि स्थानिक अर्थव्यवस्थेला चालना मिळणार आहे असही त्या म्हणाल्या आहेत.
केंद्रात स्विमिंग पूल - मंतलाई हे अतिशय शांत आणि रमणीय ठिकाण आहे. येथील आंतरराष्ट्रीय योग केंद्रात इतर आवश्यक सुविधांचीही व्यवस्था करण्यात आली आहे. योग केंद्राची इमारत एका मोठ्या पिरॅमिडच्या आकारात बांधलेली आहे. आंतरराष्ट्रीय योग केंद्रात स्विमिंग पूल, बिझनेस कन्व्हेन्शन सेंटर, हेलिपॅड, स्पा, कॅफेटेरिया आणि डायनिंग हॉल, कॉटेज-डिझाइन इको लॉज, जिम्नॅशियम ऑडिटोरियम, बॅटरी ऑपरेटेड कार, मेडिटेशन एन्क्लेव्ह अशा अनेक सुविधा आहेत.
शांततापूर्ण वातावरणात योग - 2017 मध्ये मंटलाई येथे बांधण्यात येत असलेल्या सर्वात मोठ्या आंतरराष्ट्रीय योग केंद्राचे बांधकाम सुरू करण्यात आले. जे 36 महिन्यांत पूर्ण होणार होते. मात्र, कोरोना महामारीमुळे लॉकडाऊनमुळे कामावर परिणाम झाला. मंतलाईमध्ये, संपूर्ण देश आणि जगभरातील लोक शांततापूर्ण वातावरणात योग, ध्यान आणि ध्यान करू शकतील.
