किन्नौर (हिमाचल प्रदेश) - जिल्ह्यातील निगुलसारी मध्ये झालेल्या दरड कोसळल्याने आतापर्यंत 16 जणांचा मृत्यू झाला आहे. तर तिसऱ्या दिवशी सकाळी चार वाजेपासून बचावकार्य सुरू झाले आहे. तर आज सकाळी आणखी दोन मृतदेह मिळून आले आहेत. याआधी गुरूवारी सकाळी चार आणि बुधवारी दहा मृतदेह मिळून आले होते. या दुर्घटनेत 13 जण जखमी झाले आहेत. यात दोन गंभीर असल्याचे सांगण्यात येत आहे. तसेच अजूनही अनेक जण बेपत्ता आहेत. गुरुवारी मुख्यमंत्री जयराम ठाकूर यांनी घटनास्थळी भेट दिली. तसेच पीडितांच्या नातेवाईकांच्या संवाद साधला.
गुरुवारी किन्नौरहून शिमला येथे आल्यावर मुख्यमंत्री जयराम ठाकूर यांनी यासंबंधीची बातमी सभागृहात दिली. मुख्यमंत्री जयराम ठाकूर यांनी सांगितले की, दरड कोसळत असल्याने गुरुवारी सकाळी शोधमोहीम थांबविण्यात आली होती. ते म्हणाले, घटना घडल्यानंतर लगेचच तेथे जायची इच्छा झाली होती. मात्र, हवामान खराब असल्याने तिथे जाऊ शकलो नाही. तर तेच किन्नौरचे आमदार जगत सिंह नेगी आणि माजी आमदार तेजवंत सिंह नेगी हेदेखील मुख्यमंत्र्यासोबत उपस्थित होते.
हेही वाचा - VIDEO हिमाचल प्रदेश दुर्घटना; किन्नौर येथील दरड कोसळल्याचे भयावह दृश्य
किन्नौरचे उपायुक्त आबिद हुसैन यांनी सांगितले की, होमगार्ड, आईटीबीपीचे जवानांच्या माध्यमातून बचावकार्य सुरू आहे. तसेच लष्कर आणि राष्ट्रीय आपत्ती व्यवस्थापन पथकही उपस्थित आहे. तर राष्ट्रीय महामार्ग-5 ला पूर्ववत करण्यात आले आहे.
दरम्यान, किन्नौरमध्ये याआधी मागच्या महिन्यात बटसेरी मध्ये दरड कोसळल्याने नऊ पर्यटकांचा मृत्यू झाला होता.
