श्रीनगर - जम्मू आणि काश्मीर दौऱ्यावर असलेल्या काँग्रेसच्या माजी अध्यक्षांनी श्रीनगरमधील काँग्रेस पक्षाच्या कार्यालयाचे उद्घाटन केले. या दौऱ्यावेळी त्यांनी काँग्रेस कार्यकर्त्यांसोबत बैठक घेतली. यानंतर पक्ष कार्यकर्त्यांशी बोलताना काँग्रेसचे खासदार म्हणाले, की जम्मू काश्मीरला पूर्वीप्रमाणे राज्याचा दर्जा परत द्यायला हवा. जम्मू आणि काश्मीरमध्ये स्वतंत्र आणि निष्पक्ष निवडणुका होण्याची गरज आहे.
राहुल गांधी म्हणाले, की संसदेमध्ये बोलू दिले जात नाही. आमच्यावर दबाव टाकला जातो. संसदेमध्ये पेगासस, राफेल, जम्मू-काश्मीर, बेरोजगारी याबद्दल बोलू शकत नाही. हे लोक हिंदुस्थानमधील सर्व संस्थांवर हल्ला करत आहेत.
काँग्रेसचे माजी अध्यक्ष राहुल गांधी हे जम्मू आणि काश्मीरच्या दोन दिवसीय दौऱ्यावर आहेत. त्यांनी मंगळवारी सकाळी गांदरबल येथे खीर भवानी मंदिरात पूजा-अर्जना केली होती. श्रीनगरमध्ये पोहोचल्यानंतर राहुल गांधी हे सायंकाळी जम्मू आणि काश्मीर प्रदेश काँग्रेस कमिटीचे अध्यक्ष गुलाम अहमद मीर यांच्या मुलाच्या लग्नाच्या रिसेप्शनमध्ये सहभागी झाले.
हेही वाचा-भारत बायोटेकच्या अंकलेश्वरमधील उत्पादन प्रकल्पाला केंद्र सरकारकडून मंजुरी
आझाद यांनी राज्याचा दर्जा बहाल करण्याची केली मागणी
काँग्रेसचे वरिष्ठ नेता गुलाम नबी आझाद म्हणाले, की निवडणुका लवकर होणे आवश्यक आहे. त्यापूर्वी राज्याचा दर्जा मिळणे आवश्यक आहे. काश्मीर पंडितांना वापस आणणे आवश्यक आहे. नवीन कायद्यानुसार राज्याचा दर्जा मिळाल्यास जमीन आणि नोकरी ही पहिल्याप्रमाणे मिळणे आवश्यक आहे.
हेही वाचा- पुरामुळे हानी झालेल्या रस्त्यांबाबत फडणवीस गडकरींना भेटले, अर्थमंत्र्यांना केली 'ही' विनंती
जम्मू काश्मीरला कलम 370 नुसार सार्वभौम राज्य म्हणून विशेष दर्जा देण्यात आला होता. केंद्र सरकारने 2019 मध्ये जम्मू आणि काश्मीरचे कलम 370 रद्द केले आहे.
कलम 370 रद्द केल्याने अशी बदलली जम्मू आणि काश्मीरमधील परिस्थिती
- एखाद्या व्यक्तीने जर जम्मू काश्मीरमधील मुलीशी लग्न केले. तर तो व्यक्ती आणि त्यांची मुले जम्मू काश्मीरची कायम रहिवासी मानले जात नव्हते. मात्र, आता नियम बदल्यानंतर ते कायमचे रहिवासी झाले आहेत.
- जम्मू काश्मीरचा रहिवासी नसलेल्या लोकांना तेथील जमीन खरेदी करण्याची परवानगी नव्हती. मात्र, आता जमीन खरेदी करता येते.
- भारतातील इतर नागरिकांप्रमाणे जम्मू-काश्मीरच्या नागरिकांकडे दुहेरी नागरिकत्व असणार नाही.
