मुंबई : पंजाब किंग्जने रॉयल चॅलेंजर्स बंगळुरूविरुद्ध 54 धावांनी दणदणीत विजय नोंदवून प्लेऑफच्या आशा जिवंत ठेवल्या. पंजाबने 209 धावांचा यशस्वी बचाव करत बंगळुरू संघाला 155 धावांवर ( Royal Challengers Bangalore vs Punjab Kings ) रोखले.
आयपीएल 2022 मध्ये पंजाब किंग्जने रॉयल चॅलेंजर्स बंगळुरूसमोर विजयासाठी 210 धावांचे लक्ष्य ठेवले होते. लियाम लिव्हिंगस्टोन (७०) आणि जॉनी बेअरस्टो (७०) यांच्या शानदार फलंदाजीमुळे पंजाब किंग्जने (पीबीकेएस) आयपीएल २०२२ च्या ६०व्या सामन्यात रॉयल चॅलेंजर्स बंगळुरू (आरसीबी)समोर २१० धावांचे लक्ष्य ठेवले होते. पंजाबने 20 षटकांत नऊ गड्यांच्या मोबदल्यात 209 धावा केल्या. बंगळुरूकडून हर्षल पटेलने चार बळी घेतले. वानिंदू हसरंगाने दोन, तर ग्लेन मॅक्सवेल आणि शाहबाज अहमद यांनी प्रत्येकी एक विकेट घेतली.
तत्पूर्वी, नाणेफेक गमावल्यानंतर फलंदाजीचा निर्णय घेत पंजाबने पॉवर प्लेमध्ये एका विकेटच्या मोबदल्यात 83 धावा केल्यामुळे पंजाबची धमाकेदार सुरुवात झाली. यादरम्यान सलामीवीर शिखर धवन (21) मॅक्सवेलचा बळी ठरला. यानंतर भानुका राजपक्षे (1) यांनीही लवकरच माघारी गेला. दरम्यान, सलामीवीर जॉनी बेअरस्टोने धडाकेबाज फलंदाजी करत सर्वात वेगवान 21 चेंडूत आपले आयपीएल अर्धशतक पूर्ण केले.
चौथ्या क्रमांकावर आलेला लियाम लिव्हिंगस्टोन धावा काढण्यासाठी धडपडताना दिसला. दरम्यान, 10व्या षटकात मोहम्मद सिराजने 29 चेंडूत 4 चौकार आणि सात षटकारांच्या मदतीने शाहबाजला 66 धावांवर झेलबाद केल्याने पंजाबने 101 धावांवर तिसरी विकेट गमावली.
पाचव्या क्रमांकावर आलेल्या कर्णधार मयांक अग्रवालने लिव्हिंगस्टोनसह डाव पुढे नेला. दोघांनीही शानदार फलंदाजी करत संघाची धावसंख्या 14 षटकांत 150 च्या पुढे नेली. मात्र 15 व्या षटकात कर्णधार मयंक (19) पटेलच्या चेंडूवर झेलबाद झाला. यासह त्याच्या आणि लिव्हिंगस्टोनमधील 35 चेंडूत 51 धावांची भागीदारी संपुष्टात आली. मात्र जितेश (9) हसरंगाच्या गोलंदाजीवर बाद झाला. दुसऱ्या टोकाला लिव्हिंगस्टोन चांगली फलंदाजी करताना दिसला.
यानंतर हरप्रीत ब्रार (7) पटेलच्या गोलंदाजीवर शानदार षटकार ठोकून पुढच्याच चेंडूवर बाद झाला. पंजाबने 17.3 षटकांत 6 गडी गमावून 173 धावा केल्या. दरम्यान, ऋषी धवन आणि लिव्हिंगस्टोनने झटपट धावा केल्या. त्याचवेळी लिव्हिंगस्टोनने 35 चेंडूत चौकार मारून आपले अर्धशतक पूर्ण केले.
20 वे षटक टाकण्यासाठी आलेल्या हर्षलने लिव्हिंगस्टोनला फक्त चार धावा दिल्या. 42 चेंडूत पाच चौकार आणि चार षटकारांच्या मदतीने 70 धावा काढत ऋषी बाद झाला. त्याचवेळी राहुल चहर (2) धावबाद झाला, त्यामुळे पंजाबने 20 षटकांत 9 गडी गमावून 209 धावा केल्या.
