मुंबई - निवडणूक रणनीतीकार प्रशांत किशोर बिहारमध्ये राजकीय एन्ट्री घेणार असून त्यांनी याबाबत ट्विट करून त्यांनी संकेत दिले आहेत. प्रशांत किशोर यांनी सोमवारी (दि. 2 मे) ट्विट करून म्हटले की, 'लोकांमध्ये जाण्याची वेळ आली आहे. त्याची सुरुवात बिहारपासून होईल.' काँग्रेससोबतच्या बिनसल्यानंतर प्रशांत किशोर अशा रणनीतीवर काम करत आहेत की भाजप आणि काँग्रेस या दोघांनाही आव्हान मिळणार आहे. पीके यांनी त्यांच्या ट्विटमध्ये नवे पक्ष कधी स्थापन करणार याबाबत कोणताही खुलासा दिलेला नाही. मात्र, संकेत दिले आहेत.
प्रशांत किशोर यांनी ट्विट केले की, "लोकशाहीत सहभागी होण्याचा आणि लोकाभिमुख धोरण तयार करण्यात मदत करण्याच्या माझ्या प्रयत्नामुळे 10 वर्षांच्या रोलरकोस्टर राईडला सुरुवात झाली आहे. जसजसे मी पृष्ठे उलटत आहे तसतसे 'जन सुराज्या'चे प्रश्न आणि मार्ग अधिक चांगल्या प्रकारे समजून घेण्यासाठी वास्तविक मास्टर्सपर्यंत पोहोचण्याची वेळ आली आहे.
बिहारमधून करतील नवीन सुरुवात - प्रशांत किशोरने आपल्या ट्विटमध्ये 'बिहार'ला हॅशटॅग देखील केला आहे. किशोर हे बिहारच्या राजकारणात नवीन नाहीत. कारण ते मुख्यमंत्री नितीश कुमार यांच्या नेतृत्वाखालील जनता दल युनायटेडचे उपाध्यक्ष होते.
पीके एका नव्या पक्षाची तयारी करत आहे - 2014 मध्ये नरेंद्र मोदींच्या मोठ्या विजयानंतर चर्चेत आलेले प्रशांत किशोर हे निवडणूक रणनीतीकार मानले जाऊ लागले. त्यांनी भाजपला सोडचिठ्ठी देऊन पुन्हा जेडीयूमध्ये प्रवेश केला. काही दिवस त्यांनी जेडीयूमधील महत्त्वाची जबाबदारीही पार पाडली. पण, जेडीयू सोडली आणि ( Empowered Action Group ) काँग्रेसची मोठी ऑफर नाकारली आणि नवीन पक्ष स्थापन करण्यावर लक्ष केंद्रित केले आहे. म्हणजेच लवकरच प्रशांत किशोर हे इतर पक्षांसाठी निवडणुकीची रणनीती न बनवता आपल्याच पक्षासाठी रणनीती बनवताना राजकीय क्षेत्रात दिसणार आहेत.
कोण आहेत प्रशांत किशोर उर्फ पीके - प्रशांत किशोरचा जन्म 1977 मध्ये बिहारच्या बक्सरमध्ये झाला. त्यांची आई उत्तर प्रदेशातील बलिया जिल्ह्यातील असून वडील बिहारचे आहेत. 2014 मध्ये मोदी सरकार सत्तेवर आणल्यामुळे ते प्रसिद्धीच्या झोतात आले. प्रशांत किशोर हे चांगले निवडणूक रणनीतीकार मानले जातात. पडद्याआडून पक्षांना सत्तेवर आणणे ही त्यांची रणनीती खास बनते. वयाच्या 34 व्या वर्षी आफ्रिकेतून युनायटेड नेशन्स ( United Nations ) ची नोकरी सोडून 2011 मध्ये गुजरातमध्ये नरेंद्र मोदींच्या टीममध्ये सामील झाले. त्यांच्या आगमनाने राजकारणात ब्रँडिंगचे युग सुरू झाले. पीके इंडियन पॉलिटिकल अॅक्शन कमिटी ( Indian Political Action Committee ) नावाची संस्था देखील चालवतात.
हेही वाचा - UP Police : योगी पोलिसांचा कहर! कारवाईसाठी गेल्यानंतर केली मारहाण; एका मुलीचा झाला मृत्यू
