बिकानेर (राजस्थान) : राजस्थानमध्ये एका सभेला संबोधित करताना पंतप्रधान मोदींनी काँग्रेस आणि राज्यातील गेहलोत सरकारवर जोरदार हल्ला चढवला. काँग्रेस म्हणजे लुटीचे दुकान आणि खोट्याचा बाजार आहे, असे पंतप्रधान म्हणाले. ते म्हणाले की, आज जी मोठमोठी आश्वासने दिली जात आहेत, त्यामागे लुटीचा हेतू आहे.
'शेतकऱ्यांची फसवणूक झाली आहे' : गेहलोत सरकारवर हल्लाबोल करताना ते म्हणाले की, खोट्या आश्वासनांचा सर्वात मोठा बळी राजस्थानमधील शेतकरी झाला आहे. काँग्रेसने 10 दिवसांत कर्जमाफी करण्याचे आश्वासन दिले होते. मात्र शेतकऱ्यांची फसवणूक झाली आहे. जिथे तुम्ही डबल इंजिनची सरकारे निवडून दिली आहेत, तिथे वेगाने विकास होत आहे, असे ते म्हणाले. राजस्थानमध्ये काँग्रेसचे सरकार आल्यापासून पक्ष आणि सरकार एकमेकांशी भांडत आहे. सगळे एकमेकांचे पाय ओढत आहेत, असेही ते म्हणाले.
'मुख्यमंत्र्यांना आपल्या मुलाची काळजी आहे' : मुख्यमंत्री अशोक गेहलोत यांच्यावर हल्लाबोल करत पंतप्रधान म्हणाले की, राजस्थानचे मुख्यमंत्री आपल्या मुलाचे भविष्य वाचवण्यात व्यग्र आहेत. त्यांना राजस्थानच्या मुला-मुलींशी काहीही देणेघेणे नाही. असे लोक राजस्थानचे भले करू शकतात का?, असा सवाल त्यांनी केला. राजस्थानला स्थिर आणि डबल इंजिन सरकार हवे आहे. राजस्थानला विकासाची गरज आहे, परिवारवादाची नाही, असेही ते म्हणाले.
-
वीरों की धरती राजस्थान सदैव मुझे प्रेरित करती है और इस माटी पर आकर मैं धन्य हो जाता हूं। बीकानेर वासियों को मेरा कोटि-कोटि प्रणाम! https://t.co/leQQSbHmZ3
— Narendra Modi (@narendramodi) July 8, 2023 " class="align-text-top noRightClick twitterSection" data="
">वीरों की धरती राजस्थान सदैव मुझे प्रेरित करती है और इस माटी पर आकर मैं धन्य हो जाता हूं। बीकानेर वासियों को मेरा कोटि-कोटि प्रणाम! https://t.co/leQQSbHmZ3
— Narendra Modi (@narendramodi) July 8, 2023वीरों की धरती राजस्थान सदैव मुझे प्रेरित करती है और इस माटी पर आकर मैं धन्य हो जाता हूं। बीकानेर वासियों को मेरा कोटि-कोटि प्रणाम! https://t.co/leQQSbHmZ3
— Narendra Modi (@narendramodi) July 8, 2023
'भ्रष्टाचारात राजस्थान पहिल्या क्रमांकावर' : पंतप्रधान म्हणाले की, राजस्थानमध्ये काँग्रेसचे सरकार आल्यापासून राज्याची नवी ओळख निर्माण झाली आहे, ती म्हणजे भ्रष्टाचार, गुन्हेगारी आणि तुष्टीकरणाची. भ्रष्टाचारात राजस्थान पहिल्या क्रमांकावर असल्याचे ते म्हणाले. काँग्रेस सरकार तुष्टीकरणात मग्न आहे. गुन्हेगारी, महिलांवरील बलात्कार यामध्ये राजस्थान आघाडीवर आहे, असेही ते म्हणाले.
'राज्यात कॉंग्रेसच्या विरोधात वातावरण' : पंतप्रधान मोदी म्हणाले की, लोकांच्या उत्साहावरून दिसून येते की राज्यात काँग्रेसच्या विरोधात जनतेचा रोष वाढला आहे. जनतेचा रोष वाढला की सत्ताबदल व्हायला वेळ लागत नाही, असे ते म्हणाले. ते म्हणाले की, भाजप सरकारने राजस्थानच्या कनेक्टिव्हिटीसाठी जे काम केले आहे ते यापूर्वी कधीही झाले नव्हते. जेव्हा केंद्र आणि राज्य सरकार प्रामाणिकपणे काम करतात तेव्हाच विकास पूर्णपणे लोकांपर्यंत पोहोचतो, असे पंतप्रधान म्हणाले. गेल्या चार वर्षांत राजस्थानची परिस्थिती उलटी झाली आहे, असे ते म्हणाले.
हेही वाचा :
