श्री गंगा नगर ( राजस्थान ) : सर्व गुप्तचर यंत्रणा 24 वर्षीय रिझवान अश्रफ याची चौकशी करत आहेत. जो नुपूर शर्माला मारण्याच्या उद्देशाने भारतीय हद्दीत पकडला गेला होता. चौकशीदरम्यान रिजवानने पाकिस्तानातील कट्टरपंथी संघटना तहरीक-ए-लब्बैक पाकिस्तान (टीएलपी) पासून प्रभावित असल्याचे कबूल केले आहे. टीएलपी एक अतिरेकी संघटना म्हणून सीमेपलीकडे आपली मुळे मजबूत करत आहे. पाकिस्तानने या संघटनेवर बंदी घातली आहे.
तहरीक-ए-लब्बैक पाकिस्तान म्हणजे काय: तहरीक-ए-लब्बैक पाकिस्तान (TLP) (Tehreek e Labbaik Pakistan) हा पाकिस्तानमधील कट्टर उजव्या विचारसरणीचा इस्लामिक अतिरेकी राजकीय पक्ष आहे. या गटाचा प्रमुख खादिम हुसेन रिझवी असून, तो पाकिस्तानमध्ये हिंसाचार भडकावल्याप्रकरणी तुरुंगात आहे. तेहरीक-ए-लब्बैक पाकिस्तानमधील ईशनिंदा कायद्यात कोणत्याही बदलाविरोधात निदर्शने करत आहे. पाकिस्तानमध्ये हळूहळू, कायदेशीर आणि राजकीय प्रक्रियेद्वारे शरियाला इस्लामिक मूलभूत कायदा म्हणून स्थापित करण्याची मागणी सातत्याने केली जात आहे.
अशी सुरु झाली संघटना : तहरीक-ए-लब्बैक ही इस्लामिक सामाजिक-राजकीय चळवळ म्हणून सुरू झाली. एप्रिल 2021 मध्ये, पाकिस्तानच्या विविध शहरांमध्ये हिंसक निदर्शनांनंतर तेहरीक-ए-लब्बैक पाकिस्तान (TLP) या धार्मिक पक्षावर बंदी घालण्यात आली होती. पाकिस्तानच्या पंजाब सरकारच्या वतीने तेहरीक-ए-लब्बेक पाकिस्तान या कट्टरपंथी संघटनेचा प्रमुख साद रिझवी याचे नाव दहशतवाद्यांच्या यादीत आहे. भारतात प्रवेश करताना पकडलेल्या पाकिस्तानी घुसखोराचा खुलासा झाल्यानंतर जयपूरहून आलेले एडीजी इंटेलिजन्स एस सेनगाथिर यांनी सांगितले की तेहरीक-ए-लब्बैक पाकिस्तान पाकिस्तानमध्ये धार्मिक कट्टरतेसाठी ओळखले जाते.
राजकारणात महत्त्वाची भूमिका : तहरीक-ए-लब्बैक नावाच्या या संघटनेची पाकिस्तानच्या राजकारणात महत्त्वाची भूमिका मानली जाते. एडीजी म्हणाले की तहरीक-ए लबबॅक ही धार्मिकदृष्ट्या कट्टरतावादी संघटना आहे. पाकिस्तानमध्ये या संघटनेने पाकिस्तानचे माजी वझीर एझाम इम्रान खान सरकारसमोरही मोठी अडचण निर्माण केली होती. इम्रान खान सरकारच्या काळात या संघटनेने स्थानिक पातळीवर कायदा आणि सुव्यवस्था ढासळली होती, त्यानंतर तेथील वातावरण बिघडले होते.
केले होते ब्रेनवॉश : तेहरीक-ए-लब्बैक संघटनेने रिझवानला ब्रेनवॉश करून पाठवल्याच्या प्रश्नावर ते म्हणाले की, हे नाकारता येणार नाही. परंतु अद्याप स्पष्टता समोर आलेली नाही. तथापि, एजन्सी या कोनातून गहनपणे तपास करत आहेत. तेहरीक-ए-लब्बैक प्रामुख्याने पाकिस्तानमध्ये सक्रिय असल्याचे त्यांनी सांगितले. भारतातील त्याचे यूट्यूब व्हिडीओ पाहून काही लोक ते ऐकून प्रभावित होत आहेत. यासंदर्भात माहिती गोळा करून कारवाई केली जाईल.
शस्त्रेहि केली जप्त : विशेष म्हणजे नुकतेच रिजवान अश्रफला पाकिस्तानच्या गंगानगर सीमेवर पकडण्यात आले होते. चौकशीदरम्यान त्याने सांगितले की, तो पाकिस्तानच्या पंजाब प्रांतातील मंडी बहाउद्दीन जिल्ह्यातील रहिवासी असून नुपूर शर्माला मारण्याच्या उद्देशाने तो भारतात आला होता. रिजवानला राजस्थानच्या श्रीगंगानगर जिल्ह्याची सीमा ओलांडून 150 किमी वेगवेगळ्या मार्गाने भारतात प्रवेश करायचा होता. लाहोरहून बहावलनगरमार्गे जिल्ह्याच्या भारत-पाक सीमेवरील खाखान पोस्टवरून तरबंडी ओलांडण्याच्या प्रयत्नात रिझवान पकडला गेला. त्याच्याकडून धारदार शस्त्रे, चाकू आणि काही धार्मिक पुस्तकेही सापडली आहेत.
हेही वाचा : Salman Chishti Arrested : नुपूर शर्माला जीवे मारण्याची धमकी देणारा सलमान चिश्ती अटकेत
