तिरुवनंतपुरम (केरळ) - देशातील आगामी राष्ट्रपतीपदाच्या निवडणुकीत केरळ हे एकमेव राज्य ठरणार आहे जिथून विरोधी उमेदवार यशवंत सिन्हा यांना सर्व मते मिळतील. ( Yashwant Sinha in Kerala ) कारण, येथून भाजप किंवा मित्रपक्षांचे एकही आमदार, खासदार नाहीत. अशा स्थितीत 18 जुलै रोजी एलडीएफ आणि यूडीएफचे प्रत्येकी एक मत यशवंत सिन्हा यांना जाईल. सीपीएमच्या नेतृत्वाखालील एलडीएफकडे 99 आमदार आहेत आणि काँग्रेसच्या नेतृत्वाखालील यूडीएफकडे 41 आमदार आहेत.
मिळालेल्या माहितीनुसार, राष्ट्रपतीपदाचे विरोधी पक्षाचे संयुक्त उमेदवार यशवंत सिन्हा यांनी केरळमधून निवडणूक प्रचाराला सुरुवात केली आहे. केरळचे उद्योगमंत्री पी. राजीव यांनी माजी केंद्रीय मंत्री यांचे विमानतळावर स्वागत केले. ( Government of Kerala supports Yashwant Sinha ) भारतीय जनता पक्षाचे (BJP) माजी नेते यशवंत सिन्हा यांनी बुधवारी केरळमधून राष्ट्रपतीपदाच्या निवडणुकीच्या प्रचाराला सुरुवात केली. त्यांनी तिरुअनंतपुरममध्ये (LDF) आणि (UDF) या दोन्ही पक्षांच्या आमदारांची वैयक्तिक भेट घेतली.
विशेष म्हणजे लोकसभेत काँग्रेसचे केरळमधून 19 खासदार आणि एलडीएफचा एक खासदार आहे. एलडीएफचे राज्यसभेत सात आणि काँग्रेसचे दोन खासदार आहेत, त्यामुळे सर्व 29 खासदार यशवंत सिन्हा यांना मतदान करतील. (2017) च्या राष्ट्रपती निवडणुकीदरम्यान, सत्ताधारी पक्षाचे उमेदवार रामनाथ कोविंद यांना केरळमधून एक मत मिळाले कारण भाजपचे विधानसभेतील एकमेव सदस्य म्हणून ओ राजगोपाल होते.
केरळचे भाजप नेते व्ही. मुरलीधरन, आता परराष्ट्र राज्यमंत्री, महाराष्ट्राचे राज्यसभा खासदार आहेत. त्याचवेळी काँग्रेसचे आणखी एक नेते के. सी. वेणुगोपाल यांनी राजस्थानमधून राज्यसभेची जागा जिंकली आहे. दरम्यान, भारतातील इतर कोणतेही राज्य विरोधी उमेदवाराला आपले पूर्ण मत देणार नाही अशी परिस्थिती आहे, कारण, इतर प्रत्येक राज्यात भाजपचे स्वतःचे आमदार आणि खासदार आहेत किंवा त्यांच्या मित्रपक्षांद्वारे पाठिंबा आहे त्यामुळे केरळसारखी सगळीकडे परिस्थिती नाही.
हेही वाचा - उदयपूरमधील घटनेबाबत शांतता राखण्याचे सय्यद अहमद बुखारी यांचे आवाहन
