चेन्नई : एआयएडीएमकेचे पदच्युत नेते ओ. पनीरसेल्वम यांनी शुक्रवारी सांगितले की, के पलानीस्वामी यांना पक्षाचे अंतरिम सरचिटणीस म्हणून कायम ठेवण्याचा सर्वोच्च नायालयाचा निकाल त्यांच्यासाठी धक्कादायक नाही. मात्र ते आता या प्रकरणी लोकांपर्यंत जाऊन न्याय मिळवतील.
'लोकांपर्यंत पोहचून न्याय मिळवू' : सर्वोच्च न्यायालयाच्या निर्णयावर पत्रकारांना प्रतिक्रिया देताना पन्नीरसेल्वम म्हणाले की, हा निकाल आमच्यासाठी धक्कादायक नाही. या निकालानंतर आमच्या पक्षाच्या कार्यकर्त्यांमध्ये अधिक उत्साह संचारला आहे. 'धर्मयुद्ध' सुरू आहे असे ठासून सांगता पन्नीरसेल्वम म्हणाले की, ते आणि त्यांचे कार्यकर्ते न्याय मागण्यासाठी लोकांपर्यंत जातील. लोकांपर्यंत पोहोचण्याची ही मोहीम लवकरच सुरू होणार असून ती राज्यभर जिल्हानिहाय राबवण्यात येणार आहे. एआयएडीएमके हा कार्यकर्त्यांचा पक्ष आहे आणि संस्थापक एम जी रामचंद्रन यांनी पक्षाच्या कार्यकर्त्यांना सर्वोच्च नेता निवडण्याचा अधिकार दिला आहे. त्यामुळे 10 जिल्हा सचिवांनी एखाद्या व्यक्तीचा प्रस्ताव ठेवला पाहिजे आणि त्यास तितक्याच सचिवांनी दुजोरा दिला पाहिजे, असे पन्नीरसेल्वम म्हणाले.
'पलानीस्वामी हे द्रमुकची ए टू झेड टीम' : पन्नीरसेल्वम यांच्यावर हे सत्ताधारी द्रमुकची 'बी' टीम आहेत असे आरोप विरोधकांकडून लावण्यात येतो. या आरोपांवरील प्रश्नाला उत्तर देताना पनीरसेल्वम म्हणाले की, पलानीस्वामी कॅम्प हा द्रमुकची ए टू झेड टीम आहे. पन्नीरसेल्वम यांचे कट्टर निष्ठावंत आर वैथिलिंगम यांनी पलानीस्वामी यांच्या कार्यकर्त्यांवर झालेल्या भ्रष्टाचाराच्या खटल्यांसह अनेक प्रकरणांचे निकाल जाणून घेण्याची मागणी केली. माजी मंत्री वैथिलिंगम यांनी कोडनाडू हत्या आणि चोरी प्रकरणाचाही उल्लेख केला आहे.
हकालपट्टीचा ठराव अमलात येऊ शकत नाही : पन्नीरसेल्वम यांच्या निष्ठावंतांनी सांगितले की, सर्वोच्च न्यायालयाच्या निर्णयाने हे स्पष्ट केले आहे की, पक्ष नेतृत्वातील बदल आणि संबंधित प्रकरणांसंदर्भात प्रलंबित दिवाणी खटल्यांच्या संदर्भात हा निकाल बंधनकारक नाही. ज्या ठरावाने पलानीस्वामी यांना अंतरिम सरचिटणीस म्हणून पदोन्नती आणि पन्नीरसेल्वम आणि त्यांच्या कार्यकर्त्यांची हकालपट्टी केली गेली, तो अंमलात आलेला नाही असे ते म्हणाले.
न्यायालयाचा पलानीस्वामी यांच्या बाजूने निकाल : तामिळनाडूतील प्रमुख विरोधी पक्ष असलेल्या एआयएडीएमके पक्षात सरचिटणीस पदावरून चाललेल्या अराजकतेला आळा घालत सर्वोच्च न्यायालयाने गुरुवारी इ पलानीस्वामी यांच्या बाजूने निकाल दिला होता. पक्षाच्या 11 जुलै रोजी झालेल्या शेवटच्या महापरिषदेच्या बैठकीत माजी मुख्यमंत्री पलानीस्वामी यांची अंतरिम सरचिटणीसपदी निवड झाली होती. सर्वोच्च न्यायालयाने आता त्यांच्या निवडीवर शिक्कामोर्तब केले आहे.
