Nitin Gadkari on Tax on Diesel vehicles : डिझेल वाहनांवर खरचं १० टक्के जीएसटी लागणार का? नितीन गडकरींनी केला मोठा खुलासा

Nitin Gadkari on Tax on Diesel vehicles : मंगळवारी केंद्रीय मंत्री नितीन गडकरी यांच्या एका विधानानंतर, देशातील डिझेल गाड्यांवर अतिरिक्त कर लावण्यात येणार असल्याच्या बातम्या माध्यमांत आल्या आहेत. यानंतर देशातील अनेक मोटार कंपन्यांचे शेअर्स कोसळले. यावर आता स्वत: नितीन गडकरी यांनी स्पष्टीकरण दिलंय.

नवी दिल्ली Nitin Gadkari on Tax on Diesel vehicles: केंद्रीय मंत्री नितीन गडकरी मंगळवारी म्हणाले होते की, 'डिझेलवर चालणारी वाहनं आणि जनरेटरचा वापर जास्त होत राहिला तर प्रदूषण कमी करण्यासाठी डिझेल इंजिन वर १० टक्के अतिरिक्त कर लावला जाईल. यासाठी मी अर्थमंत्र्यांशी बोलणार असल्याचंही ते म्हणाले होते. 'डिझेलला गुडबाय म्हणा. कृपया ते वापरणं बंद करा. अन्यथा आम्ही इतका कर वाढवू की डिझेल गाड्या विकणं कठीण होईल, असं गडकरी म्हणाले होते. यानंतर डिझेल वाहनांवर १० टक्के जीएसटी लावण्याच्या बातम्या मीडियामध्ये येऊ लागल्या.

नितीन गडकरी यांचं स्पष्टीकरण : आता यावर स्वत: गडकरींनी स्पष्टीकरण दिलंय. 'सरकारकडे सध्या डिझेल वाहनांवर १० टक्के अतिरिक्त कर लावण्याचा कोणताही प्रस्ताव नाही', असं नितीन गडकरी यांनी 'X' वर पोस्ट करत सांगितलं. 'माध्यमांच्या बातम्यांमध्ये असं म्हटलं जात आहे की, डिझेल वाहनांवर अतिरिक्त १० टक्के जीएसटी लावला जाईल. यावर मी हे स्पष्ट करू इच्छितो की असा कोणताही प्रस्ताव सध्या सरकारसमोर विचाराधीन नाही, असं नितीन गडकरी यांनी सांगितलं.

• There is an urgent need to clarify media reports suggesting an additional 10% GST on the sale of diesel vehicles. It is essential to clarify that there is no such proposal currently under active consideration by the government. In line with our commitments to achieve Carbon Net…

  — Nitin Gadkari (@nitin_gadkari) September 12, 2023 " class="align-text-top noRightClick twitterSection" data="

  There is an urgent need to clarify media reports suggesting an additional 10% GST on the sale of diesel vehicles. It is essential to clarify that there is no such proposal currently under active consideration by the government. In line with our commitments to achieve Carbon Net…

  — Nitin Gadkari (@nitin_gadkari) September 12, 2023

  ">

  There is an urgent need to clarify media reports suggesting an additional 10% GST on the sale of diesel vehicles. It is essential to clarify that there is no such proposal currently under active consideration by the government. In line with our commitments to achieve Carbon Net…

  — Nitin Gadkari (@nitin_gadkari) September 12, 2023

२०७० पर्यंत कार्बन नेट झिरो गाठण्यासाठी तसेच डिझेल सारख्या घातक इंधनामुळे होणारं वायू प्रदूषण कमी करण्यासाठी स्वच्छ आणि हरित पर्यायी इंधनाचा अवलंब करणं गरजेचं आहे. ही इंधने किफायतशीर, स्वदेशी आणि प्रदूषणमुक्त असावीत-केंद्रीय रस्ते वाहतूक मंत्री नितीन गडकरी

देशातील बहुतांश व्यावसायिक वाहनं डिझेलवर चालतात : मंगळवारी नवी दिल्ली येथे सियामच्या ६३ व्या वार्षिक दीक्षांत समारंभाला संबोधित करताना नितीन गडकरी म्हणाले होते की, 'प्रदूषणाची वाढती पातळी नागरिकांच्या आरोग्यासाठी धोकादायक आहे. देशातील बहुतांश व्यावसायिक वाहनं सध्या डिझेलवर चालतात. प्रवासी वाहनांमध्ये, मारुती सुझुकी इंडिया आणि होंडा यासह विविध कार निर्मात्यांनी आधीच डिझेल कारचं उत्पादन बंद केलंय. देशात डिझेल कारचं उत्पादन आधीच मोठ्या प्रमाणात कमी झालं आहे. उत्पादकांनी त्यांची बाजारात विक्री करणे थांबवण्याची गरज आहे. डिझेल हे घातक इंधन असल्याचे सांगून, मागणी पूर्ण करण्यासाठी देशाला इंधन आयात करावं लागतं', असं त्यांनी नमूद केलं होतं.

मोटार कंपन्यांचे शेअर्स घसरले : नितीन गडकरी यांच्या या विधानाचा परिणाम देशातील मोटार कंपन्यांच्या शेअर्सवर झाला. आज टाटा मोटर्स, महिंद्रा अँड महिंद्रा आणि अशोक लेलँडचे शेअर्स २.५ टक्के ते ४ टक्क्यांनी घसरले. डिझेल वाहनांवर १० टक्के अतिरिक्त कर लागू केल्यामुळे कार निर्मात्या कंपन्यांना वाहनांच्या किमती वाढवाव्या लागतील. त्यामुळे त्यांच्या विक्रीवरही परिणाम होईल. सध्या देशातील जवळपास सर्व व्यावसायिक वाहनं डिझेल इंजिनवर चालतात.

हेही वाचा :